Ásmund­ur Tryggva­son, fram­kvæmda­stjóri á sviði fyr­ir­tækja og fjár­festa hjá Íslands­banka, hef­ur ákveðið að stíga til hliðar. Krist­ín Hrönn Guðmunds­dótt­ir hef­ur verið ráðin í stað hans. Þetta kem­ur fram í til­kynn­ingu frá Íslands­banka í kvöld. Ásmund­ur hef­ur gegnt stöðunni frá árs­byrj­un 2019.

Brotthvarf Ásmundar kemur í kjölfar afsagnar Birnu Einarsdóttur, bankastjóra, í vikunni sem leið. Störf Ásmundar hafa sætt gagnrýni en í skýrslu fjár­mála­eft­ir­lits Seðlabanka Íslands(FME) sem gefin  um sölu bank­ans á 22,5% hlut ís­lenska rík­is­ins í bankanum á síðasta ári kom fram að  Ásmund­ur hafi sett sig í sam­band við reglu­vörslu bank­ans til að liðka fyr­ir kaup­um starfs­manna bank­ans.

Sjálfur keypti Ásmundur 96.108 hluti í útboðinu á 11,2 milljónir króna. Eins og DV fjallaði um á sínum tíma vöktu sú kaup athygli í ljósi þess að hann er eiginmaður Önnu Lísu Björnsdóttur sem er framkvæmdastjóri þingflokks Vinstri grænna.

Sjá einnig: Eiginmaður framkvæmdastjóra þingflokks Vinstri grænna keypti í Íslandsbanka

Krist­ín Hrönn hef­ur yfir 20 ára reynslu sem stjórn­andi á fjár­mála­mörkuðum. Hún stýrði teymi versl­un­ar og þjón­ustu meðal stærri fyr­ir­tækja á ár­un­um 2013-2019 og hef­ur síðan þá verið for­stöðumaður fjár­mála, rekst­urs og stefnu­mót­un­ar á sviðinu auk þess að sitja í lána­nefnd­um, efna­hags­nefnd og fjár­fest­ing­ar­ráði bank­ans.