Helga Vala Helgadóttir, þingman Sam­fylk­ing­ar­inn­ar, sendir Willum Þór Þórssyni heilbrigðisráðherra væna pillu í pistli sem birtur var í Morgunblaðinu í dag. Helga Vala furðar sig á stöðunni í heilbrigðiskerfinu í ljósi kosningaloforða Framsóknarflokksins fyrir kosningarnar árið 2021.

„Sagðist flokk­ur­inn vilja skoða hvort til­efni væri til auk­ins einka­rekst­urs inn­an heil­brigðis­geir­ans, skila sem best­um og skjót­ust­um ár­angri, ráðast í fyr­ir­byggj­andi aðgerðir til að koma í veg fyr­ir vanda síðar og síðast en ekki síst tryggja öll­um íbú­um lands­ins þjón­ustu óháð bú­setu og efna­hag.“

Helga Vala segir að staða heilbrigðiskerfisins hafi átt að vera Willum kunnug þar sem hann gegndi formennsku í fjárlaganefnd Alþingis. „Tvisvar á ári fær fjár­laga­nefnd inn­lit inn í heil­brigðis­kerfið við yf­ir­ferð sína um fjár­lög og fjár­mála­áætl­un og fær því býsna góða yf­ir­sýn yfir það hvar skór­inn krepp­ir og hvar hægt er að efla þjón­ustu og jafn­framt hagræða,“ segir hún.

„Nú þegar Fram­sókn­ar­flokk­ur­inn hef­ur ann­ast mála­flokk­inn í rúmt ár fáum við eng­ar fregn­ir af áætl­un­um ráðherra en hins veg­ar stöðugar fregn­ir af upp­sögn­um lyk­il­starfs­fólks af Land­spít­ala. Sex af níu sér­fræðilækn­um á bráðamót­töku hafa sagt upp störf­um og tug­ir hjúkr­un­ar­fræðinga flúðu óboðleg­ar starfsaðstæður. Reynd­ur sér­fræðilækn­ir sem af­henti upp­sagn­ar­bréf sitt um ára­mót greindi svo frá að margít­rekað ákall til stjórn­valda um aukn­ar fjár­veit­ing­ar og aðgerðir hefði engu skilað.“

„Var kannski ekki best að kjósa Fram­sókn?“

Helga Vala gagnrýnir þá ummæli Björns Zoega, fyrrverandi forstjóra Landspítalans og ráðgjafa heilbrigðisráðherra, um að spítalinn væri ekki vanfjármagnaður.

„Nán­asti ráðgjafi heil­brigðisráðherra svaraði heil­brigðis­starfs­fólk­inu brott­flúna og þeim sem enn þrauka í störf­um sín­um með því að Land­spít­al­inn væri vel fjár­magnaður. Sagði hann þurfa að for­gangsraða í störf­um inn­an spít­al­ans en viður­kenndi reynd­ar að það sem mætti einnig nefna væri að verk­efni spít­al­ans væru of mörg!“

Velferðarnefnd Alþingis á síðasta kjörtímabili, sem þá var undir formennsku Helgu Völu, kortlagði heilbrigðiskerfið til að kanna hvar væri hægt að bæta flæði og verkefnastjórn. Helga Vala segir að í niðurstöðum þeirrar vinnu hafi komið fram að víða mætti dreifa verkefnum betur en til þess þyrftu stjórnvöld að veita aukið fjármagn til annarra heilbrigðisstofnana landsins.

„Við það að fjár­magn til heil­brigðis­stofn­ana um landið minnk­ar skerðist þjón­ust­an sem lend­ir á Land­spít­ala. Land­spít­al­inn er því í dag allt í senn þjóðar­sjúkra­hús, há­skóla­sjúkra­hús, bráðasjúkra­hús, héraðssjúkra­hús og ann­ast öldrun­arþjón­ustu,“ bendir Helga Vala á í pistlinum.

Hún segir að mun betur færi á því að fækka verkefnum á spítalanum og fela þau öðrum en að Willum hafi ekki kynnt nein áform um slíkt.

„En ráðherr­ann hef­ur ekki kynnt nein­ar fyr­ir­ætlan­ir í þá veru held­ur send­ir sinn helsta ráðgjafa út í fjöl­miðla til að mótmæla brott­flúnu og yfir­keyrðu starfs­fólki sem reyn­ir eft­ir fremsta megni að veita nauðsyn­lega heil­brigðisþjón­ustu. Eng­in skila­boð eru um ein­hverja framtíðar­sýn, eng­in skila­boð til fólks um að það sé betra í vænd­um.“

Að lokum spyr hún svo: „Var kannski ekki best að kjósa Fram­sókn?“