Aldís Hafsteinsdóttir , nýráðinn sveitarstjóri Hrunamannahrepps og fyrrverandi bæjarstjóri Hveragerðis, fékk greiddar rúmar 17 milljónir í biðlaun frá Hveragerði ofan á 1.780.000 króna mánaðarlaun sem sveitastjóri Hrunamannahrepps. Þetta kemur fram í fundargerð bæjarráðs Hveragerðisbæjar en Fréttablaðið greindi fyrst frá.
Í fundargerðinni kemur fram að biðlaunin, sem voru alls til sex mánaða, hafi kostað bæinn rúmar 20 milljónir króna, það er að segja laun, aksturstyrkur og launatengd gjöld. Kemur fram í frétt Fréttablaðsins að alls hafi Aldís fengið rétt tæplega 9 milljónir útborgaðar. Hún var síðan ráðin sveitastjóri Hrunamannahrepps á dögunum og hefur hafið störf þar á áðurnefndum launum.
Biðlaunagreiðslan kom upp í umræðum um staðfestingu á ráðningarsamningi nýs bæjarstjóra, Geirs Sveinssonar. Vöktu fulltrúar minnihlutans athygli á því að vöntun var á ákvæði um að biðlaun myndu falla niður eftir fráfarandi bæjarstjóri myndi fá annað starf.
„Var því fyrrum bæjarstjóra greidd sex mánaða biðlaun með launatengdum gjöldum að upphæð 20.058.749,“ segir kemur fram í bókuninni. Þótt þetti óeðlilegt og var talið rétt að breyta þessu í ráðningasamningi við Geir.