Heiða Björg Hilmisdóttir, varaformaður Samfylkingarinnar, tilkynnti rétt í þessu að hún gæfi kost á sér til formennsku í Sambandi íslenskra sveitarfélaga. Þetta kemur fram á Facebooksíðu hennar. Þar segist hún þekkja sambandið vel en Heiða hefur verið varaformaður þess síðustu fjögur árin.

„Ég vil halda áfram að nútimavæða sambandið og opna það sem samráðs- og samstarfsvettvang sveitarstjórnarfólks. Formaður Sambandsins þarf að tala fyrir þeirri framþróun sem við viljum sjá í íslensku samfélagi, þar eru sveitarfélögin lykilaðilar. Við þurfum að auka samstarf við landshlutasamtök, þjappa saman landsbyggð og höfuðborg þvi okkar markmið falla vel saman. Það þarf að klára tekjuskiptingu þannig við séum fær um að veita þá öflugu þjónustu sem við viljum veita. Þannig byggjum við upp öfluga og spennandi byggð um allt land, húsnæði, atvinnu, menntun og velferð,“ segir ennfremur í tilkynningu Heiðu.

Fyrr í dag greindi Mbl.is frá því að Rósa Guðbjartsdóttir, bæjarstjóri Hafnarfjarðar.

„Tel ég að reynsla mín og fyrri störf komi að góðum not­um inn­an stjórn­ar Sam­bands ís­lenskra sveit­ar­fé­laga og fyr­ir þá mik­il­vægu starf­semi sem fram fer á sam­eig­in­leg­um vett­vangi sveit­ar­fé­laga,“ seg­ir í til­kynn­ingu frá Rósu samkvæmt Mbl.is.

Aldís Hafsteinsdóttir, sveitarstjóri Hrunamannahrepps, lætur af embætti formanns í Sambandi íslenskra sveitarfélaga í haust en hún er ekki lengur kjörgeng sem stjórnarmaður eftir að hún flutti lögheimili sitt nýverið til að sinna nýju starfi, en hún var áður bæjarstjóri Hveragerðis.