fbpx
Þriðjudagur 21.júní 2022
Eyjan

Sigmundur tók upp vasaúr og greindi frá 30 afrekum ríkisstjórnarinnar – „Plastpokar voru bannaðir, plaströr og áhöld“

Ágúst Borgþór Sverrisson
Miðvikudaginn 8. júní 2022 21:25

Sigmundur Davíð Gunnlaugsson. Skjáskot RÚV.

Ekki missa af Helstu tíðindum dagsins í pósthólfið þitt

Lesa nánar

Sigmundur Davíð Gunnlaugsson, formaður Miðflokksins, var með líflega ræðu í eldhúsdagsumræðum Alþingis kvöld. Í upphafi ræðunnar tók Sigmundur upp vasaúr og sagðist ætla að reyna að telja upp 30 afrek ríkisstjórnarinnar á sex mínútum.

Þessi langi afrekalisti virðist ekki glæsilegur að mati Sigmundar. Hann sagði meðal annars: „Plastpokar voru bannaðir, plaströr og áhöld. Fyrir vikið þarf fólk í auknum mæli að neyta matar með viðarflísum. Þar með var þróunin á því sviði færð aftur fyrir bronsöld.“

Sigmundur segir ríkisstjórnina hafa tekið U-beygju í bankamálum, hann segir hana hafa skilað einum banka til vogunarsjóða og einkavætt annan án þess að nota tækifærið til að endurskipuleggja fjármálakerfið í þágu almennings og fyrirtækja.

„Ríkisstjórnin tók að sér að fjármagna kosningaloforð Samfylkingarinnar í Reykjavík um Borgarlínu án þess að nokkur hefði hugmynd um hvað framkvæmdin myndi kosta, hvað þá reksturinn,“ sagði Sigmundur enn fremur.

Hann segir ríkisstjórnina hafa sýnt sjálfstætt starfandi aðilum í heilbrigðisþjónustu fjandskap og jafnvel sjálfboðaliðasamtökum. Hún hafi hins vegar unnið að fordæmalausri samþjöppun kerfisins. „Biðlistar lengjast og í vikunni birti Ríkisendurskoðun algjöran áfellisdóm yfir frammistöðu stjórnvalda í geðheilbrigðismálum, m.a. vegna andstöðu við sjálfstætt starfandi heilbrigðistarfsfólk og stofnanir eins og SÁÁ,“ sagði Sigmundur.

Fóstureyðingar og hælisleitendur

Sigmundur er ósáttur við stefnu ríkisstjórnarinnar varðandi fæðingarrof. Um þetta sagði hann orðrétt: „Upp úr þurru ákvað ríkisstjórnin að setja heimsmet í hversu lengi mætti eyða fóstri. Forsætisráðherra sagði svo ítrekað að ganga ætti miklu lengra og leyfa fóstureyðingar fram að fæðingu barns. Hinir flokkarnir létu sig hafa það.“

Hann telur ennfremur málefni hælisleitenda vera í ólestri og umsóknir um hæli séu allt of margar: „Ríkisstjórnin hefur ítrekað slegið Norðurlandamet í hælisumsóknum þrátt fyrir að Ísland sé fjarlægasti áfangastaðurinn. Það bitnar á getu okkar til að hjálpa þeim sem þurfa mest á hjálp að halda, m.a. Úkraínumönnum nú, eins og dómsmálaráðherra viðurkenndi.“

Sigmundur sagði að báknið þendist sífellt út og ríkisstjórnarflokkarnir hefðu þá einu hugsjón að halda völdum. Hann endaði ræðu sína á þessum orðum:

„Með þessari stjórn fengum við köttinn í sekknum. Því má segja um hana eins og sungið var um jólaköttinn. Út með þessa stjórn, hún hefur unnið heljarmikið tjón.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 6 dögum

Segir fólk tapa peningum á því að nýta sér fasteignasala og hvetur fólk til að selja sjálft – „Það er komið nóg af þessari vitleysu“

Segir fólk tapa peningum á því að nýta sér fasteignasala og hvetur fólk til að selja sjálft – „Það er komið nóg af þessari vitleysu“
Eyjan
Fyrir 6 dögum

Nýr bæjarstjóri Kópavogs á ofurlaunum – „Þetta er ROSALEGA mikill akstur“

Nýr bæjarstjóri Kópavogs á ofurlaunum – „Þetta er ROSALEGA mikill akstur“
EyjanFastir pennar
Fyrir 1 viku
„Þú líka Brútus“
Eyjan
Fyrir 1 viku

104% hækkun húsaleigu á 10 árum – Aðeins 15% hækkun á meginlandi Evrópu á sama tíma segir Guðmundur

104% hækkun húsaleigu á 10 árum – Aðeins 15% hækkun á meginlandi Evrópu á sama tíma segir Guðmundur
Eyjan
Fyrir 1 viku

Helga Vala dregur Bjarna Ben til ábyrgðar vegna stöðunnar í heilbrigðiskerfinu

Helga Vala dregur Bjarna Ben til ábyrgðar vegna stöðunnar í heilbrigðiskerfinu
Eyjan
Fyrir 2 vikum

Siggi Stormur til liðs við Samfylkinguna – Vill ekki vera í hægri flokki

Siggi Stormur til liðs við Samfylkinguna – Vill ekki vera í hægri flokki
Eyjan
Fyrir 2 vikum

Ólafur segir spennandi að sjá Pírata og Framsóknarflokkinn vinna saman í borgarstjórn

Ólafur segir spennandi að sjá Pírata og Framsóknarflokkinn vinna saman í borgarstjórn