fbpx
Þriðjudagur 21.júní 2022
Eyjan

Sólveig Anna afþakkar „krókódílatár“ – „Við erum fullfær um að reka félagið okkar“

Erla Dóra Magnúsdóttir
Föstudaginn 3. júní 2022 11:37

Ekki missa af Helstu tíðindum dagsins í pósthólfið þitt

Lesa nánar

Sólveig Anna Jónsdóttir, formaður Eflingar, hefur birt upplýsingar um greiðslu sjúkradagpeninga frá Eflingu þennan mánuðinn. Það taldi hún nauðsynlegt að gera vegna umræðunnar í athugasemdakerfum á samfélagsmiðlum.

Hún vekur athygli á þessu á Facebook.

„31. maí greiddi Efling sjúkradagpeninga til 185 félagsmanna upp á samtals 70.726.229 krónur. Almennir styrkir voru greiddur til 429 félagsmanna upp á samtals 9.397.822 krónur.“

Sólveig Anna skýrir svo hvers vegna hún sé að birta þessar upplýsingar og segir að líklega þyki það undarlegt að formaður í verkalýðsfélagi geri slíkt í færslu á Facebook.

„Það er kannski undarlegt að formaður í verkalýðsfélagi birti færslu eins og þessa. En ég geri það vegna þess að enn fer hópur fólks um samfélagsmiðla skrifandi athugasemdir sem opinbera örvæntingarfulla þrá þeirra í að mér og félögum mínum í stjórn Eflingar mistakist verkefnið sem við þó fengum afdráttarlaust umboð félagsfólks til að sinna:

Að stýra félaginu, móta stefnu, innleiða breytingar og leiða Eflingu áfram í átt að sigrum í efnahagslegri réttlætisbaráttu verka og láglaunafólks.“

Sólveig segist vona að gagnrýnendur hennar fari að finna smá „sálarfrið“ og hætti að hafa áhyggjur af velferðar félagsfólks Eflingar, enda þurfi félagsfólk ekki slík „krókódílatár“.

„Ég vona að þau sem þola ekki að sjá verka og láglaunafólk ná árangri fari að finna smá sálarfrið og hætti að þykjast hafa áhyggjur af velferð félagsfólks Eflingar. Við viljum ekki sjá ykkar krókódílstár. Við erum fullfær um að reka félagið okkar. Og það er kominn tími að öll viðurkenni þá augljósu staðreynd.“

Málefni Eflingar hafa verið áberandi í umræðunni síðustu mánuði, einkum eftir hópuppsögn þar sem öllu starfsfólki skrifstofunnar var sagt upp. Töldu margir að félagið yrði óstarfhæft eftir uppsagnirnar, en líkt og fram kemur hér að ofan, þá virðast þær áhyggjur hafa verið óþarfar.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 5 dögum

Össur vill Loga burt og Kristrúnu á toppinn – „Eina manneskjan sem þeir vilja ekki sem formann“

Össur vill Loga burt og Kristrúnu á toppinn – „Eina manneskjan sem þeir vilja ekki sem formann“
Eyjan
Fyrir 6 dögum

Segir fólk tapa peningum á því að nýta sér fasteignasala og hvetur fólk til að selja sjálft – „Það er komið nóg af þessari vitleysu“

Segir fólk tapa peningum á því að nýta sér fasteignasala og hvetur fólk til að selja sjálft – „Það er komið nóg af þessari vitleysu“
Eyjan
Fyrir 1 viku

Tekist á í Kastljósi – „Einari er kannski vorkunn að koma svona nýr inn og láta teyma sig svolítið af gömlum meirihluta“

Tekist á í Kastljósi – „Einari er kannski vorkunn að koma svona nýr inn og láta teyma sig svolítið af gömlum meirihluta“
Eyjan
Fyrir 1 viku

Ný borgarstjórn tekur til starfa – Þetta eru formenn ráða

Ný borgarstjórn tekur til starfa – Þetta eru formenn ráða