fbpx
Fimmtudagur 23.júní 2022
Eyjan

Vel launaðir bæjarstjórar – Fá 2 til 2,5 milljónir á mánuði

Kristján Kristjánsson
Fimmtudaginn 23. júní 2022 07:59

Almar Guðmundsson hefur ágæt laun í Garðabæ.

Ekki missa af Helstu tíðindum dagsins í pósthólfið þitt

Lesa nánar

Óhætt er að segja að margir bæjarstjórar séu ekki á neinum sultarlaunum. Laun margra eru á bilinu 2 til 2,5 milljónir króna á mánuði og virðist ekki skipta miklu máli hversu margir búa í sveitarfélögunum sem þeir stýra. Þannig eru laun Dags B. Eggertssonar, borgarstjóra, og Elliða Vignissonar, bæjarstjóra í Ölfusi, svipuð. Sá munur er þó á að hver borgarbúi greiðir 16 krónur á mánuði í laun til Dags en hver íbúi í Ölfusi greiðir Elliða 841 krónu á mánuði í laun.

Þetta kemur fram í Fréttablaðinu í dag. Fram kemur að Ásdís Kristjánsdóttir, bæjarstjóri í Kópavogi, sé launahæst með rúmlega 2,5 milljónir á mánuði. Þetta er byggt á óformlegri könnun Fréttablaðsins á launakjörum í nokkrum af fjölmennustu sveitarfélögum landsins. Aðeins var tekið tillit til launa, ekki aukagreiðslna á borð við símakostnað eða ferðakostnaði.

Garðbæingar greiða Almari Guðmundssyni tæplega 2,5 milljónir á mánuði fyrir að sinna starfi bæjarstjóra en forveri hans, Gunnar Einarsson, var með rúmlega 3 milljónir.

Kjartan Már Kjartansson, bæjarstjóri í Reykjanesbæ, er í þriðja sæti en hann fær rúmar 2,4 milljónir á mánuði. Ásthildur Sturludóttir, bæjarstjóri á Akureyri, er í fjórða sæti.

Það vekur athygli að Dagur B. Eggertsson, borgarstjóri, er aðeins í fimmta sæti launalega séð og stýrir hann þó stærsta sveitarfélagi landsins.

Ekki er búið að semja við Rósu Guðbjartsdóttur, bæjarstjóra í Hafnarfirði, eða Þór Sigurgeirsson, bæjarstjóra á Seltjarnarnesi, en þessi sveitarfélög hafa lengi verið í fremstu röð þegar kemur að launakjörum bæjarstjóra.

Launahæstu bæjarstjórarnir eru með hærri laun en ráðherrar og seðlabankastjóri. Þeir fjórir launahæstu eru með hærri laun en forsætisráðherra.

Nánar er hægt að lesa um málið í Fréttablaðinu í dag.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 5 dögum

Kolbrún segir að VG geti ekki stimplað sig út af náttúruverndarvaktinni þó að flokkurinn sé í stjórnarsamstarfi

Kolbrún segir að VG geti ekki stimplað sig út af náttúruverndarvaktinni þó að flokkurinn sé í stjórnarsamstarfi
Eyjan
Fyrir 6 dögum

Sigmundur spyr stóru spurningarnar – „Hvernig skilgreinir ráðuneytið orðið kona?“

Sigmundur spyr stóru spurningarnar – „Hvernig skilgreinir ráðuneytið orðið kona?“
Eyjan
Fyrir 2 vikum

Andrés segir skiptingu borgarstjóraembættisins vera óskastöðu fyrir Dag

Andrés segir skiptingu borgarstjóraembættisins vera óskastöðu fyrir Dag
Eyjan
Fyrir 2 vikum

Tekist á í Kastljósi – „Einari er kannski vorkunn að koma svona nýr inn og láta teyma sig svolítið af gömlum meirihluta“

Tekist á í Kastljósi – „Einari er kannski vorkunn að koma svona nýr inn og láta teyma sig svolítið af gömlum meirihluta“