Fréttablaðið fjallar um málið í dag og segir að talið sé öruggt að Kristrún muni bjóða sig fram til annað hvort formennsku eða varaformennsku. Meiri óvissa er sögð ríkja um fyrirætlanir Dags. Hvorugt þeirra hefur gefið kost á viðtölum.
Hvað varðar formannstíma Loga sagði Ólafur Þ. Harðarson, stjórnmálafræðiprófessor, að sagan muni minnast Loga frekar vel sem formanns. Hann verði kannski ekki settur í hóp stórra leiðtoga í íslenskum stjórnmálum en hann hafi tekið við flokknum eftir miklar hrakfarir hans 2016 og hafi tekist að halda honum á floti með þrjá þingmenn.
Ólafur sagði að bæði Dagur og Kristrún séu athyglisverðir kostir. Þau búi bæði yfir eiginleikum sem geti gagnast foringjum mjög vel en þetta séu ekki endilega sömu kostirnir hjá þeim báðum.
Nánar er hægt að lesa um málið í Fréttablaðinu í dag.