fbpx
Þriðjudagur 21.júní 2022
Eyjan

Sigyn ráðin framkvæmdastjóri hugbúnaðarþróunar hjá Empower

Ritstjórn DV
Þriðjudaginn 21. júní 2022 13:44

Sigyn Jónsdóttir. Mynd/Aðsend

Ekki missa af Helstu tíðindum dagsins í pósthólfið þitt

Lesa nánar

Sigyn Jónsdóttir hefur verið ráðin framkvæmdastjóri hugbúnaðarþróunar hjá Empower og mun leiða þróun jafnréttis hugbúnaðarins Empower Now.

Sigyn kemur til Empower frá hugbúnaðarfyrirtækinu Men&Mice þar sem hún var forstöðumaður þjónustu og ráðgjafar til viðskiptavina. Hún býr yfir fjölbreyttri reynslu úr hugbúnaðar- og nýsköpunargeiranum.  Sigyn er varaformaður stjórnar Tækniþróunarsjóðs og var formaður Ungra athafnakvenna (UAK) árin 2017-2019.  Hún hefur einnig starfað hjá Meniga og Seðlabanka Íslands.

Sigyn er með B.Sc. í hugbúnaðarverkfræði frá Háskóla Íslands og M.Sc. í Management Science & Engineering frá Columbia-háskóla í New York.

„Við erum afar ánægð með að fá Sigyn í stjórnendateymi Empower en hún mun sinna einu mikilvægasta verkefni okkar á næstu misserum – hugbúnaðarþróuninni,“ segir Þórey Vilhjálmsdóttir, framkvæmdastjóri Empower.  „Fyrir utan víðtæka reynslu við hugbúnaðargerð, nýsköpun og teymisstjórnun þá hefur hún einnig mikla ástríðu fyrir jafnréttismálum.  Það er mikill fengur fyrir okkur að fá jafn öfluga konu og Sigyn inn í stjórnendateymið og við hlökkum til að vinna með henni að frekari þróun Empower Now,“ segir Þórey í tilkynningu vegna ráðningarinnar.

Sigyn segist lengi hafa verið aðdáandi Empower og hrifist af þeirra einstöku nálgun á jafnréttismál og vinnustaðamenningu. „Ég er virkilega spennt að ganga til liðs við svo framsýnt nýsköpunarfyrirtæki og hlakka til að byggja upp fjölbreytt og skapandi hugbúnaðarteymi. Að leiða þróun á lausn sem þjónar göfugum tilgangi er einstakt tækifæri fyrir mig og sameinar reynslu mína úr hugbúnaðargeiranum við ástríðuna fyrir jafnréttismálum.“

Empower er nýsköpunarfyrirtæki á sviði jafnréttis og fjölbreytni og tilkynnti nýlega 300 milljóna króna fjármögnun frá Frumtaki og Tennin. Fjármagnið mun nýtast félaginu við áframhaldandi þróun og markaðssetningu á hugbúnaðarlausninni Empower NOW sem gerir fyrirtækjum og stofnunum kleift að ná yfirsýn yfir stöðu jafnréttismála, setja sér mælanleg markmið og fræða starfsfólk í gegnum stafrænar leiðir þar sem áherslan er að styðja við uppbyggingu á jákvæðri fyrirtækjamenningu með jafnrétti og fjölbreytni að leiðarljósi.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 6 dögum

Segir fólk tapa peningum á því að nýta sér fasteignasala og hvetur fólk til að selja sjálft – „Það er komið nóg af þessari vitleysu“

Segir fólk tapa peningum á því að nýta sér fasteignasala og hvetur fólk til að selja sjálft – „Það er komið nóg af þessari vitleysu“
Eyjan
Fyrir 6 dögum

Nýr bæjarstjóri Kópavogs á ofurlaunum – „Þetta er ROSALEGA mikill akstur“

Nýr bæjarstjóri Kópavogs á ofurlaunum – „Þetta er ROSALEGA mikill akstur“
EyjanFastir pennar
Fyrir 1 viku
„Þú líka Brútus“
Eyjan
Fyrir 1 viku

104% hækkun húsaleigu á 10 árum – Aðeins 15% hækkun á meginlandi Evrópu á sama tíma segir Guðmundur

104% hækkun húsaleigu á 10 árum – Aðeins 15% hækkun á meginlandi Evrópu á sama tíma segir Guðmundur
Eyjan
Fyrir 1 viku

Sigmundur tók upp vasaúr og greindi frá 30 afrekum ríkisstjórnarinnar – „Plastpokar voru bannaðir, plaströr og áhöld“

Sigmundur tók upp vasaúr og greindi frá 30 afrekum ríkisstjórnarinnar – „Plastpokar voru bannaðir, plaströr og áhöld“