fbpx
Fimmtudagur 02.febrúar 2023
Eyjan

Skýrist í dag eða á morgun hvort VR og SA gera atlögu að skammtímasamningi

Ágúst Borgþór Sverrisson
Þriðjudaginn 6. desember 2022 15:00

Ragnar Þór Ingólfsson formaður VR.

Ekki missa af Helstu tíðindum dagsins í pósthólfið þitt

Lesa nánar

„Þetta er í fullum gangi. Núna er sérfræðihópur frá okkur að funda með sérfræðingum SA og við erum að undirbúa farveginn fyrir atlögu að frekari viðræðum,“ segir Ragnar Þór Ingólfsson, formaður VR, en skriður er að komast að nýju á viðræður samtakanna við Samtök atvinnulífsins. Upp úr viðræðunum slitnaði fyrir nokkru í kjölfar stýrivaxtahækkunar Seðlabankans.

Eins og komið hefur fram náði Starfsgreinasambandið  (SGS) 14 mánaða samningi við SA um síðustu helgi. Sá samningur felur í sér töluverðar krónutöluhækkanir en hefur verið gagnrýndur. Ragnar segist ekki hafa gagnrýnt samninginn efnislega heldur lagt áherslu á að hreyfingin vinni meira saman.

Aðspurður segir Ragnar að VR sé með aðrar áherslur en SGS. „Við erum með aðra nálgun, það er þannig í okkar kröfugerð. Það breytir því ekki að hreyfingin á að geta unnið á breiðari grunni í sameiginilegum málum eins og gagnvarrt stjórnvöldum og gagnvart viðsemjendum okkar í ýmum málum sem geta stutt við svona samning.“

Aðspurður hvort hann telji að félagsmenn SGS muni samþykkja nýgerðan kjarasamning segist hann enga tilfinningu hafa fyrir því og það sé ekki hans að meta það. „Ég reikna þó frekar með því en hitt,“ segir hann.

Ragnar segir að VR leggi áherslu á prósentuhækkanir eða blandaða leið. „Okkar áherslur hafa fyrst og fremst verið niðurstaða kröfugerðar sem við unnum og sem um 6.000 félagsmenn tóku þátt í að móta. Þar er áherslan á millitekjuhópana.“

En nást samningar fyrir jól?

„Það er ómögulegt að segja en tíminn er orðinn knappur. Þetta er flóknara en bara launaliðurinn, það eru fleiri atriði sem spila inn í. Við erum með sérkjarasamninga og fleira sem þarf að ganga frá líka. Þetta er ekki eitthvað sem hægt er að draga upp úr hatti og skrifa undir. Það tekur tíma að koma samningi saman og líka að kynna hann og kjósa um hann.“

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Í gær

BÍ segir sig úr Alþjóðasambandi blaðamanna – „Ekki auðveld ákvörðun“

BÍ segir sig úr Alþjóðasambandi blaðamanna – „Ekki auðveld ákvörðun“
Eyjan
Fyrir 2 dögum

Efling birtir Félags- og vinnumarkaðsráðuneytinu stjórnsýslukæru – Telja málamiðlunartillögu valda óafturkræfu tjóni 

Efling birtir Félags- og vinnumarkaðsráðuneytinu stjórnsýslukæru – Telja málamiðlunartillögu valda óafturkræfu tjóni 
Eyjan
Fyrir 3 dögum

Sólveig Anna rekur atburðarásina – „Þetta eru allt staðreyndir sem enginn getur hrakið“

Sólveig Anna rekur atburðarásina – „Þetta eru allt staðreyndir sem enginn getur hrakið“