fbpx
Mánudagur 30.janúar 2023
Eyjan

Hafa ekki mikið álit á Evu Joly – „Tjónið sem ráðgjöf hennar olli verður seint metið til fjár“

Eyjan
Fimmtudaginn 1. desember 2022 22:00

Eva Joly, Mynd/DV

Ekki missa af Helstu tíðindum dagsins í pósthólfið þitt

Lesa nánar

Lárus Welding, fyrrum forstjóri Glitnis, gefur út bókina  Uppgjör bankamanns fyrir jólin. Bókin er uppgjör Lárusar við hrunárin og ekki síður það sem eftir fylgdi en í bókinni lýsir Lárus framgöngu ákæruvaldsins, sem hann segir að hafi gengið mjög hart fram á árunum eftir hrun en á tímabili þurfti hann að verjast á þriðja tug refsi- og einkamála.

Lárus Welding fyrrverandi forstjóri Glitnis

Á annað hundrað milljónir í ráðgjafalaun

Í bókinni er hermt að Lárus fari hörðum orðum um ráðgjafastörf Evu Joly sem hann segir að hafi þegið á annað hundrað milljónir króna í ráðgjafalaun fyrir 21 mánaða vinnu.

„Hún virtist hafa verið einlægt þeirrar skoðunar að bankamenn, hvar í heiminum sem þeir störfuðu, væru glæpamenn. Þetta var fagnaðarerindið sem hún boðaði hér á landi af mikilli ástríðu og mörg skoðanasystkini hennar tóku undir,“ skrifar Lárus.

Viðskiptablaðið boðar birtingu á nokkrum köflum bókarinnar á morgun en nokkrar umræður skapast um bókina á Facebook-síðu miðilsins. Einn þeirra sem leggur orð í belg er Sigurður G. Guðjónsson, hæstaréttarlögmaður, sem hefur meðal annars varið Sigurjón Þ. Árnason, fyrrum bankastjóra Landsbankans í hrunmálum sem gegn honum. Ljóst er að Sigurður hefur sömuleiðis lítið álit á Joly og hennar störfum.

Sigurður G. Guðjónsson Mynd/GVA

Ekki mikið álit á Joly

„Lárus Welding var einn þeirra sem stjórnvöld ákváðu að gera skyldi ábyrgan fyrir Hruninu. Hafði hann þó ekkert gert af sér frekar en Sigurjón Þ. Árnason skjólstæðingur minn og aðrir bankamenn sem vor hundeltir af hinu ógeðfellda embætti sem ríkisstjórn Samfylkingar og Sjálfstæðisflokks kom á fót til að draga athyglina frá eigin getuleysi. Það sem dómsmálaráðherra Sjálfstæðisflokks sá ekki fyrir var að Steingrímur J yrði Íslandsráðherra í skjóli Jóhönnu Sigurðardóttur,“ skrifar Sigurður G.

Hann segir að þá hafi andskotinn orðið laus og í kjölfarið hafi verið náð í Evu Joly til að veita dýra ráðgjöf.

„Hún varð fljótt eftirlæti stjórnvalda og RÚV – talin afburða góður lögfræðingur- sem hún var ekki. Tjónið sem ráðgjöf hennar olli verður seint metið til fjár,“ skrifar hæstaréttarlögmaðurinn.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 5 dögum

Samtök atvinnulífsins í hart og birta nýja reiknivél – „Hverju tapa félagsmenn Eflingar á verkfalli“

Samtök atvinnulífsins í hart og birta nýja reiknivél – „Hverju tapa félagsmenn Eflingar á verkfalli“
Eyjan
Fyrir 5 dögum

Sólveig Anna sakar Halldór um útúrsnúninga og látalæti – „Jarðsambandið er greinilega alveg farið“

Sólveig Anna sakar Halldór um útúrsnúninga og látalæti – „Jarðsambandið er greinilega alveg farið“
Eyjan
Fyrir 1 viku

Viðbrögð kennara í glærumálinu valda Sigmundi Davíð áhyggjum – „Þetta er ekki gæfulegt“

Viðbrögð kennara í glærumálinu valda Sigmundi Davíð áhyggjum – „Þetta er ekki gæfulegt“
Eyjan
Fyrir 1 viku

Kjartan ósáttur: „Af hverju kýs borg­ar­stjóri að hunsa áður­nefnt ákvæði?“

Kjartan ósáttur: „Af hverju kýs borg­ar­stjóri að hunsa áður­nefnt ákvæði?“
Eyjan
Fyrir 1 viku

The Engine tekur að fullu yfir rekstur The Engine Kaupmannahöfn

The Engine tekur að fullu yfir rekstur The Engine Kaupmannahöfn
Eyjan
Fyrir 1 viku

Ólafur ver „sérlega ósmekklega og óviðeigandi“ grein – „Ég ætla að halda áfram að benda á hræsni og siðferðisbresti af þessu tagi“

Ólafur ver „sérlega ósmekklega og óviðeigandi“ grein – „Ég ætla að halda áfram að benda á hræsni og siðferðisbresti af þessu tagi“