„Hlut­falls­lega sækja mun fleiri um alþjóðlega vernd hér á landi en í hinum ríkj­um Norður­land­anna, sem verður að telj­ast sér­kenni­legt út frá stærð og legu lands­ins,“ segir Bryndís Haraldsdóttir, þingmaður Sjálfstæðisflokksins og formaður allsherjar- og menntamálanefndar Alþingis, í aðsendri grein í Morgunblaðinu í dag. Nefndin var nýlega í heimsókn í Noregi og Danmörku og kynnti sér meðal annars vinnubrögð stjórnvalda í þessum ríkjum í útlendingamálum.

Bryndís segir að meiri sátt ríki um málaflokkinn í þessum ríkjum en á Íslandi. Lögð sé áhersla á að hælisleitendur njóti vandaðrar og sanngjarnrar málsmeðferðar en virk endursendingarstefna sé í gildi fyrir þá sem ekki hljóta vernd. Bryndís bendir á að hingað leiti margt fólk sem þegar hafi  hlotið vernd í öðru Evrópulandi:

„Á síðustu árum hef­ur verið áber­andi hér á landi hversu hátt hlut­fall um­sækj­enda um alþjóðlega vernd hef­ur þegar hlotið vernd í öðru Evr­ópu­ríki. En Ísland sker sig úr hvað þetta varðar með sér­ís­lensk­ar regl­ur fyr­ir um­sækj­end­ur í þeirri stöðu. Er eðli­legt að Ísland geri það? Eru þeir sem hlotið hafa vernd í öðru Evr­ópu­ríki í neyð og ótt­ast um líf sitt og frelsi – en það er neyðin sem vernd­ar­kerfið er sniðið utan um.“

Bryndís ræðir mikilvægt hlutverk sveitarfélaga við aðlögun flóttamanna sem njóta verndar að íslensku samfélagi. Ennfremur leggur hún til að íbúum utan EES-svæðisins verði gert auðveldara að fá dvalar- og atvinnuleyfi á Íslandi:

„En fyr­ir þá sem búa utan ríkja EES og lang­ar að flytja til Íslands, þá get­ur sú leið verið mjög tor­fær og jafn­vel ófær. Ákveðnar leiðir eru opn­ar fyr­ir um­sókn­ir um tíma­bundið at­vinnu­leyfi og ber þar helst að nefna tíma­bundið at­vinnu­leyfi vegna starfa sem krefjast sér­fræðiþekk­ing­ar. Hins veg­ar er mun erfiðara að sækja um at­vinnu­leyfi ef ekki er hægt að flagga sér­fræðinga­vott­orði.

Væri ekki eðli­legra að liðka til í reglu­verki okk­ar þannig að fólk geti sótt hér um dval­ar- og at­vinnu­leyfi þó það sé ekki rík­is­borg­ar EES-land­anna? Á sama tíma myndi álagið létt­ast af vernd­ar­kerf­inu okk­ar sem gæfi okk­ur aukið svig­rúm til að sinna því fólki bet­ur.“