fbpx
Þriðjudagur 19.október 2021
Eyjan

Tengdadóttir hótelstjórans tók myndir í talningarsalnum – og eyddi þeim síðan

Ritstjórn Eyjunnar
Þriðjudaginn 28. september 2021 13:47

Ekki missa af Helstu tíðindum dagsins í pósthólfið þitt

Lesa nánar

Tengdadóttir hótelstjóra Hótel Borgarness birti mynd af kjörgögnum á Instagram þegar talningu var lokið og áður en endurtalning hófst. Umdeild talning í norðvesturkjördæmi fór fram á hótelinu. Þetta kemur fram á Vísir.is

Á myndunum sjást bæði kjörkassar með innsigli en líka aðrir opnir kassar sem virðast innihalda kjörseðla.

Tengdadóttirin heitir Sonja Blomsterberg og maki hennar er Jón Pétursson, sonur Péturs Geirssonar hótelstjóra.

Jón segir í samtali við Vísi ekki vita af hverju Sonja hafi eytt myndunum, en sjálf svaraði hún ekki fréttamönnum.

Sonja er ekki starfsmaður yfirkjörstjórnar og hafði ekki aðkomu að talningunni.

Nokkrir starfsmenn hótelsins voru á vakt og voru með lykla að rýminu þar sem atkvæði voru geymd í talningunni. Jón segir að Sonja hafi ekki verið með lykla að rýminu.

Ljóst er að talning atkvæða í Norðvesturkjördæmi á eftir að draga dilk á eftir sér. Ingi Tryggvason, formaður yfirkjörstjórnar í kjördæminu sem endurtaldi atkvæðin eftir að tölunum var skilað, hefur hann viðurkennt að atkvæðin voru ekki innsigluð þarna á milli eins og kosningalög gera ráð fyrir.

Karl Gauti Hjaltason hefur kært framkvæmd talningarinnar til lögreglu, en hann féll úr jöfnunarsæti fyrir Miðflokkinn við endurtalninguna. Þá hefur Magnús Norðdahl, oddviti Pírata í kjördæminu, sagst ætla að kæra framkvæmdina til kjörbréfanefndar Alþingis og fara fram á svokallaða uppkosningu sem felur í sér að kosið yrði að nýju í Norðvesturkjördæmi.

Endurtalið eftir ábendingu frá formanni landskjörstjórnar – „Ef menn ætla að svindla í kosningum þá svindla þeir í kosningum“

Sjáðu muninn milli talninga sem felldi Karl Gauta – Auðum seðlum fækkaði um tólf

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 5 dögum

Guðrún skilur ekkert í Sjálfstæðismönnum – „Þetta er með slíkum ein­dæm­um, að lög ná ekki yfir það“

Guðrún skilur ekkert í Sjálfstæðismönnum – „Þetta er með slíkum ein­dæm­um, að lög ná ekki yfir það“
Eyjan
Fyrir 5 dögum

Krónprins Dana kynnti sér umhverfisvæna orku á Hellisheiði

Krónprins Dana kynnti sér umhverfisvæna orku á Hellisheiði