fbpx
Föstudagur 22.október 2021
Eyjan

Orðið á götunni: Vinstri sveiflan reyndist vindhögg og verður Viðreisn boðið upp í dans?

Björn Þorfinnsson
Sunnudaginn 26. september 2021 11:00

Ekki missa af Helstu tíðindum dagsins í pósthólfið þitt

Lesa nánar

1.Vinstri sveiflan sem mikið var talað um fyrir kosningarnar reyndist vera fullkomið vindhögg. Niðurstaðan virðist vera sú að flestir Íslendingar hafa það ansi gott og eru ekki á þeim buxunum að vilja umbylta þjóðfélaginu.

2. Kjósendur virðast ekki hafa nokkurn áhuga á Evrópusambandsaðild né nýrri stjórnarskrá. Þá virðast umhverfismálin litlu máli skipta.

3. Bjarni Benediktsson og Sigurður Ingi Jóhannsson eru í kjörstöðu eftir kosningarnar og hljóta að vera kampakátir. Rökréttast væri að samstarfinu við Vinstri Græna væri haldið áfram en síðan er sá möguleiki að bjóða Viðreisn upp í dans. Sá ágæti flokkur getur ekki gert miklar kröfur, þiggja kannski tvo ráðherrastóla og að ESB-aðild verði kannski skoðuð í einhverri nefnd.

4. Konur eru nú í fyrsta sinn í meirihluta á þingi. Það verður að teljast tímabært og þessu hljóta allir að fagna.

5. Sigmundur Davíð hlýtur að fara í alvarlega naflaskoðun eftir að flokkur hans rétt slapp við að þurrkast út af þingi. Skilaboð Miðflokksins náðu engan veginn í gegn og kosningabaráttan var satt best að segja einkennileg. Það skyldi þó enginn vanmeta forsætisráðherrann fyrrverandi.

6. Byltingaröskur Gunnars Smára og félagar hlaut mikil viðbrögð fyrst en síðan virtist þjóðin þreytast á hörmungarópunum. Mögulega hefði lágstemmdari og hlýlegri barátta á lokametrunum gefið betri raun auk þess sem foringjanum vantaði nauðsynlega að hafa öflugri frambjóðendur með sér. Nú munu Sósíalistar sleikja sárin og búast má við þeim sterkari að fjórum árum liðnum.

7. Forsvarsmenn fyrirtækja sem að framleiða kosningaspár í massavís fyrir kosningar hljóta að skammast sín.

8. Fyrir utan Framsóknarflokkinn var Inga Sæland og Flokkur Fólksins senuþjófur kosninganna.. Afar áhugavert verður að sjá hamborgarkónginn Tomma og Stuðmanninn Jakob Frímann á þingi.  Kosningabaráttan var hnitmiðuð, afar kraftmikill og hitti greinilega í mark. Auglýsingastofan 99.is sem hannaði herferðina á skilið einhverskonar verðlaun.

9. Sennilega er fullreynt fyrir Samfylkinguna að Logi Einarsson sé leiðtoginn sem leiðir flokkinn til æðstu metorða. Kristrún Frostadóttir var stjarna flokksins í kosningabaráttunni og tók flokkurinn þá skynsamlegu stefnu að leyfa henni að baða sig í sviðsljósinu á kostnað Loga. Búast má við leiðtogaskiptum innan tíðar.

10. Píratar áttu ekki neinn pening og þurftu að útbúa allt sitt markaðsefni sjálfir. Niðurstaða þeirra var ekki góð en hefði þó í raun getað orðið mun verri en jöfnunarkerfið bjargaði þeim fyrir horn. Þá getur flokkurinn eflaust þakkað traustri frammistöðu Þórhildar Sunnu á lokametrunum að ekki fór verr.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 6 dögum

Segir stöðuna í efnahagsmálum vera kolsvarta

Segir stöðuna í efnahagsmálum vera kolsvarta
Eyjan
Fyrir 6 dögum

Friðjón og Helga Vala sammála um undarlega knappan umsóknarfrest – „Þetta er pólitískur jarðskjálfti“

Friðjón og Helga Vala sammála um undarlega knappan umsóknarfrest – „Þetta er pólitískur jarðskjálfti“
Eyjan
Fyrir 1 viku

Birgir lét mála sjálfan sig á altaristöfluna í Knarraneskirkju – „Menn geta leyft sér ýmislegt í sínum einkakirkjum“

Birgir lét mála sjálfan sig á altaristöfluna í Knarraneskirkju – „Menn geta leyft sér ýmislegt í sínum einkakirkjum“
Eyjan
Fyrir 1 viku

Lenya Rún hjólar í þingmann Samfylkingarinnar: „Er það svona sem Jóhann Páll ætlar að byrja baráttu gegn spillingu og óheiðarleika á þingi?“

Lenya Rún hjólar í þingmann Samfylkingarinnar: „Er það svona sem Jóhann Páll ætlar að byrja baráttu gegn spillingu og óheiðarleika á þingi?“