Nú klukkan hálf fimm hófst kröfuganga Kóviðspyrnunnar þar sem mótmælt var bólusetningum barna og ríkisstjórn beðin um svör við ýmsum spurningum. Meðal gesta var Jóhannes Loftsson, formaður Ábyrgar framtíðar, sem bíður sig fram í komandi kosningum.
Hópurinn hóf gönguna við Stjórnarráðið og gengu nokkrir aðilar fremst með hátalara á bakinu sem spiluðu ræður sem höfðu verið teknar upp fyrirfram.
Það virtust nokkrir túristar hafa óvart gengið til liðs við gönguna en þegar þeir áttuðu sig á því hvers vegna fólkið hópaðist saman voru þeir fljótir að yfirgefa svæðið. Einhverjir tóku myndir á meðan aðrir ræddu við meðlimi hópsins sem var að fara að ganga.
Mikið af börnum var á svæðinu og héldu sum þeirra á skiltum. Virtust þau vera börn meðlima hópsins og kipptu þau sér ekkert við að heyra áróðurinn spilaðan í hátölurunum.
Það voru ekki margir gestir sem báru grímu í göngunni en núverandi samkomutakmarkanir gefa leyfi fyrir allt að 500 manns að hópast saman en að gríma sé notuð sé eins metra reglan ekki virt. Um 60-70 manns voru á svæðinu svo því er ekki um að ræða brot á reglunum.