Í nýrri könnun MMR kemur fram að Sjálfstæðisflokkurinn er með 25,4% fylgi á landsvísu en könnunin fór fram dagana 24. júní til 6. júlí. Stuðningur við ríkisstjórnina eykst um rúmt prósentustig frá síðustu könnun og er nú 54,9%.
Fylgi Framsóknar hækkar um heil 3,5% og er nú 12,3%. Á meðan heldur slæmt gengi Samfylkingarinnar áfram og mælist aðeins með 10,6 prósent og er þá fimmti stærsti flokkurinn á eftir Sjálfstæðisflokknum sem er með 25,4% fylgi, Framsóknarflokknum, Pírötum sem eru með 12,2% fylgi og Vinstri grænum sem eru með 11,9% fylgi.
Viðreisn sækir í sig veðrið og mælist með 9,1% fylgi og fer upp um 1,3% frá síðustu könnun. Flokkur fólksins og Sósíalistaflokkur Íslands standa í stað og eru með 5,5% og 5,3%, líkt og í fyrri könnun.
Miðflokkurinn tapar 0,7% fylgi og mælist nú með 6,6%. Hér fyrir neðan má sjá niðurstöðurnar í heild sinni.
Fylgi Sjálfstæðisflokksins mældist nú 25,4% og mældist 27,0% í síðustu könnun.
Fylgi Framsóknarflokksins mældist nú 12,3% og mældist 8,8% í síðustu könnun.
Fylgi Pírata mældist nú 12,2% og mældist 13,1% í síðustu könnun.
Fylgi Vinstri grænna mældist nú 11,9% og mældist 12,4% í síðustu könnun.
Fylgi Samfylkingarinnar mældist nú 10,6% og mældist 11,2% í síðustu könnun.
Fylgi Viðreisnar mældist nú 9,1% og mældist 7,8% í síðustu könnun.
Fylgi Miðflokksins mældist nú 6,6% og mældist 7,3% í síðustu könnun.
Fylgi Flokks fólksins mældist nú 5,5% og mældist 5,5% í síðustu könnun.
Fylgi Sósíalistaflokks Íslands mældist nú 5,3% og mældist 5,3% í síðustu könnun.
Stuðningur við aðra mældist 1,2% samanlagt.
Taka skal fram að allar niðurstöður hafa einhver vikmörk sem miðað við 1000 svarendur geta verið allt að +/-3,1%.