fbpx
Fimmtudagur 16.september 2021
Eyjan

„Skynsamlega málamiðlun“ segir Björn Ingi hjá Viljanum – „Þrátt fyrir allt frekar mildar takmarkanir“

Heimir Hannesson
Laugardaginn 24. júlí 2021 14:00

Björn Ingi Hrafnsson hjá Viljanum. mynd/skjáskot

Ekki missa af Helstu tíðindum dagsins í pósthólfið þitt

Lesa nánar

Björn Ingi Hrafnsson, fjölmiðlamaður og ritstjóri Viljans, hefur, eins og ætti ekki að farið fram hjá neinum undanfarin misseri, skoðað Covid-19 faraldurinn, viðbrögð við honum og áhrif á íslenskt samfélag nánar en flestir. Í gær skrifaðist svo nýr kafli í þá sögu þegar ljóst varð að Ísland yrði aftur undir hæl sóttvarnaraðgerða stjórnvalda. Ríkisstjórn Íslands ákvað á fundi sínum í gær að grípa, enn og aftur, til 200 manna samkomutakmarkana, eins metra reglu, takmarka fjölda í sundlaugar og íþróttamiðstöðvar og binda opnunartíma veitinga- og skemmtistaða við miðnætti.

Björn Ingi segir ákvörðun ríkisstjórnar „reiðarslag,“ fyrir þá sem komið hafa að vinnu við undirbúning hátíða um komandi verslunarhelgi. Þrátt fyrir allt, segir hann þó, er um frekar mildar takmarkanir miðað við ástandið. „Ef stærstur hluti þjóðarinnar hefði ekki verið bólusettur, er enginn vafi á að búið væri að setja 10-20 manna samkomutakmarkanir, banna ýmsa starfsemi og fleira í þeim dúr,“ skrifar Björn.

Segja má því að hér sé um skynsamlega málamiðlun að ræða, enda þótt eflaust telji margir annað hvort allt of bratt farið eða skammt gengið. Það er eins og það er. Sóttvarnalæknir gat ekki látið eins og ekkert væri miðað við þróun í veldisvexti og ríkisstjórnin gat ekki hætt á að taka ekki mark á aðvörunarorðum hans. Það að ekki tókst að afgreiða málið rafrænt í ráðherranefnd í morgun og kalla þurfti til þriggja tíma aukafundar til að komast að þessari niðurstöðu, sýnir að ríkisstjórnin veit að þjóðin er komin að þolmörkum þegar kemur að sóttvarnaráðstöfunum. Og kosningar eru á næsta leiti.

Björn Ingi segir erfitt að átta sig á því hvort og hvaða áhrif aðgerðirnar munu hafa, en þær renna út 14. ágúst. „Á þeim tíma ætti að koma í ljós hversu alvarleg veikindi smitsprengjan undanfarið veldur í raun og veru. Hvernig bólusetningin virkar til þess að verja fólk fyrir alvarlegum einkennum,“ skrifar hann jafnframt.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 2 dögum

Glúmur segir Arnþrúði hafa bannað sig en Arnþrúður segir það út í hött – „Hann ætti að skrifa Guðmundi Franklín bréf“

Glúmur segir Arnþrúði hafa bannað sig en Arnþrúður segir það út í hött – „Hann ætti að skrifa Guðmundi Franklín bréf“
Eyjan
Fyrir 2 dögum

Lögfræðingar spyrja hvort Covid einangraðir kunni að eiga kröfu á ríkið – Einkennalausir nýta veikindarétt í einangrun

Lögfræðingar spyrja hvort Covid einangraðir kunni að eiga kröfu á ríkið – Einkennalausir nýta veikindarétt í einangrun
Eyjan
Fyrir 1 viku

Orðið á götunni: Píratar sigla staurblankir inn í kosningabaráttuna – „Opna bókhaldið“ ekki uppfært síðan í fyrra

Orðið á götunni: Píratar sigla staurblankir inn í kosningabaráttuna – „Opna bókhaldið“ ekki uppfært síðan í fyrra
Eyjan
Fyrir 1 viku

Rekstur lífeyrissjóðanna kostar 25 milljarða á ári – „Of margir á spena þessa kerfis“

Rekstur lífeyrissjóðanna kostar 25 milljarða á ári – „Of margir á spena þessa kerfis“