fbpx
Fimmtudagur 16.september 2021
Eyjan

Samfélagsmiðlar loga vegna ákvörðunar ríkisstjórnarinnar – Þjóðin tekur hertar aðgerðir í sátt

Heimir Hannesson
Laugardaginn 24. júlí 2021 10:30

mynd/samsett

Ekki missa af Helstu tíðindum dagsins í pósthólfið þitt

Lesa nánar

Margir er slegnir yfir fréttum af smittölum síðustu daga og hart hefur verið verið deilt um hvernig haga skuli seglum í ljósi þeirra frétta. Atburðarásin náði svo hámarki í gær þegar ríkisstjórnin tilkynnti að hún myndi funda á Hótel Valaskjálf á Egilsstöðum. Eitt mál var á dagskrá á fundinum: Minnisblað Þórólfs Guðnasonar sóttvarnalæknis og ný reglugerð heilbrigðisráðherra um sóttvarnaraðgerðir hér á landi.

Teygðist hressilega á fundinum, en fréttir af honum lágu ekki fyrir fyrr en rétt eftir klukkan 19:00 í gær. Fundurinn hafði þá staðið í tæpar þrjár klukkustundir. Um tíma minntu aðstæðurnar á fund Reagan og Gorbachevs, þar sem fjölmiðlar stóðu, blessunarlega í austurlenskri blíðu, og biðu eftir að hurðarhúnninn á hótelinu hreyfðist. Þegar hún loks opnaðist lá það fyrir: 200 manna samkomutakmarkanir, eins meters regla. „Kunnuglegur sálmur,“ hljóta einhverjir að hafa hugsað.

Undir eins lágu afleiðingar reglugerðar heilbrigðisráðherra fyrir: Þjóðhátíð var úti. Druslugangan. Ein með öllu. Bæjar- og útihátíðir það sem eftir lifði sumars voru ýmist blásnar af eða þeim gjörbreytt. Þó er ekki útséð með Þjóðhátíð enn, en bæði formaður Þjóðhátíðarnefndar og bæjarstjóri Vestmannaeyja gáfu til kynna í gær að möguleiki væri á að seinka Þjóðhátíð fram yfir gildistíma núgildandi takmarkana. Þær gilda til 16. ágúst. Óneitanlega væri slíkt stór séns að taka af skipuleggjendum stærstu útihátíðar landsins, enda hafa heilbrigðisyfirvöld ekki veigrað sér við að framlengja aðgerðir. Raunar hefur gildistími reglugerða heilbrigðisráðherra verið framlengt í tugi skipta, en þær aðeins afnumdar með öllu einu sinni.

DV sagði frá því í gær að samfélagsmiðlar hafi farið svo til undir eins á hliðina með viðbrögðum við fréttunum og DV efndi til skoðanakönnunar á vef sínum.

Nú klukkan 10:00 í morgun höfðu 8.547 tekið þátt í könnun DV og segjast 68.8% vera hlynnt aðgerðum ríkisstjórnarinnar. 6% sögðust hlutlaus og rúm 25% sögðust ekki hlynnt aðgerðunum. Tekið skal fram að könnunin er einungis til gamans gerð og yrði seint samþykkt af aðferðafræðingum vísindasamfélagsins þó að aðeins sé hægt að kjósa einu sinni af hverri IP tölu. Niðurstaðan er engu að síður afgerandi.

Þá er ljóst að pólitískar afleiðingar ákvörðunar ríkisstjórnarinnar í gær verður viðfangsefni spekúlanta og stjórnmálaskýrenda næstu daga. Tveir skólar virðast vera að myndast í þeim heimi. Annars vegar þá að VG hafi „unnið,“ á kostnað Sjálfstæðisflokksins. Hinn að ríkisstjórnin öll hafi „unnið.“

Lögmaðurinn Sveinn Andri Sveinsson skrifaði í gær á samfélagsmiðla að Katrín Jakobsdóttir hefði sannað sig sem sterkasta stjórnmálamann landsins með ákvörðun ríkisstjórn hennar í gær. „Bjarni Ben og Sigurður Ingi borða úr lófanum á henni og banna alla andstöðu innan sinna flokka. Ástæðan er einfaldlega sú að þeir vita sem svo að Katrín verður áfram forsætisráðherra og hefur það algerlega í hendi sér hvaða flokka verða með henni í ríkisstjórn eftir kosningarnar í haust,“ skrifar Sveinn. Færsla hans má sjá í heilu lagi hér að neðan.

Einar Kárason er þessu ekki sammála og segir höfuðstyrk Katrínar vera hæfni hennar til þess að vera ópólitísk. „Maður verður aldrei var við stefnu hennar í lykilmálum, aðra en að vera almennt jákvæð. Varla einu sinni í umhverfismálum; studdi hún ekki af einurð kolaverið á Bakka? Þetta er auðvitað uppskrift að fundarstjóra fyrir enn eina helmingaskiptastjórn D og B, enda elska þeir hana allir,“ segir Einar. Færsla hans er einnig hér að neðan.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Í gær

Glúmur segir Arnþrúði hafa bannað sig en Arnþrúður segir það út í hött – „Hann ætti að skrifa Guðmundi Franklín bréf“

Glúmur segir Arnþrúði hafa bannað sig en Arnþrúður segir það út í hött – „Hann ætti að skrifa Guðmundi Franklín bréf“
Eyjan
Fyrir 2 dögum

Lögfræðingar spyrja hvort Covid einangraðir kunni að eiga kröfu á ríkið – Einkennalausir nýta veikindarétt í einangrun

Lögfræðingar spyrja hvort Covid einangraðir kunni að eiga kröfu á ríkið – Einkennalausir nýta veikindarétt í einangrun
Eyjan
Fyrir 1 viku

Orðið á götunni: Píratar sigla staurblankir inn í kosningabaráttuna – „Opna bókhaldið“ ekki uppfært síðan í fyrra

Orðið á götunni: Píratar sigla staurblankir inn í kosningabaráttuna – „Opna bókhaldið“ ekki uppfært síðan í fyrra
Eyjan
Fyrir 1 viku

Rekstur lífeyrissjóðanna kostar 25 milljarða á ári – „Of margir á spena þessa kerfis“

Rekstur lífeyrissjóðanna kostar 25 milljarða á ári – „Of margir á spena þessa kerfis“