fbpx
Fimmtudagur 16.september 2021
Eyjan

Össur telur að ákvörðun ríkisstjórnarinnar geti sett allt í uppnám – „Sú söguskýring VG er í uppnámi ef fjórða bylgja faraldursins nær sér á strik“

Jón Þór Stefánsson
Föstudaginn 23. júlí 2021 12:00

Samsett mynd - Alþingi og ÞJóðhátíð í Vestmannaeyjum

Ekki missa af Helstu tíðindum dagsins í pósthólfið þitt

Lesa nánar

Össur Skarphéðinsson, fyrrverandi utanríkisráðherra, fór yfir gang stjórnmálanna í færslu sem hann birti á Facebook í gærkvöldi. Þar sagði hann að fjórða bylgjan haf gjörbreytt stöðu ríkisstjórnarinnar og að viðbrögð hennar gætu sett hlutina í algert uppnám. Ástæðan sé sú að stjórnarflokkarnir eru ekki samstiga í aðgerðum vegna faraldursins, og minnir Össur á að Þórólfur hafi nokkurn veginn tjáð vonbrigði sín á skoðun ríkisstjórnarinnar.

„Fjórða bylgja Covid getur gjörbreytt pólitískri stöðu stjórnarflokkanna. Fyrir nokkrum dögum var borðleggjandi að þeir héldu meirihluta í haustkosningunum. Það er ekki jafnvíst í dag. Viðbrögð ríkisstjórnar á allra næstu dögum við fjórðu bylgjunni geta sett þá stöðu í algert uppnám.

Nú er ljóst að ríkisstjórnin er ekki samstiga gagnvart aðgerðum gegn Covid-19. Efist menn um það þurfa þeir ekki annað en skoða ummæli Þórólfs sóttvarnarlæknis síðustu daga. Hann hefur beisikally tjáð vonbrigði sín með að innan ríkisstjórnarinnar ríki ekki einhugur um að fylgja ítrustu ráðum sóttvarnaryfirvalda.“

Í færslu sinni segir Össur að hingað til hafi kosningabarátta Vinstri grænna snúist um að sannfæra þjóðina um að flokkurinn hafi þurft að að yfirvinna andstöðu Sjálfstæðisflokksins, og að það sé forysta Katrínar Jakobsdóttur sem hafi skilað góðum árangri gegn veirunni. Hann segir að sú söguskýring hafi gengið vel hingað til, en gæti nú verið í uppnámi.

Hann segir að það séu viðbrögð ríkisstjórnarinnar næstu daga sem muni ráða úrslitum kosninganna, og minnst sérstaklega á slag Áslaugar og Svandísar. Þá grínast Össur að lokum með því að segja að ekkert muni breyta því að opið verði hjá listahjónunum Jóni Óskari og Huldu Hákon, heldur muni ákvörðunin ákvarða hversu mikið partístand verði hjá þeim.

„Svandís Svavarsdóttir hóf formlega kosningabaráttu með því að segja þjóðinni að hún, og VG, hefðu þurft að yfirvinna andstöðu Sjálfstæðisflokksins – einkum Áslaugar Örnu – við að framfylgja ráðleggingum Þórólfs og koma böndum á Covid. Það er reyndar athyglisvert að VG hefur gert farsælar niðurstöður í glímunni við Covid að prófsteini á ríkisstjórnina. Undirtónn kosningaauglýsinga VG er að það sé forystu Katrínar Jakobsdóttur og VG að þakka að svo virtist sem plágan væri fjötruð. Sú söguskýring VG er í uppnámi ef fjórða bylgja faraldursins nær sér á strik.

Viðbrögð næstu daga gætu því ráðið úrslitum um niðurstöðu haustkosninga. Ætlar ríkisstjórnin að taka sjensinn á því að útihátíðir breytist í ofurdreifara á sóttkveikjunni? Hvor sleggjanna vinnur ef þær renna saman um hvort banna eigi þjóðhátíðina í Eyjum, Svandís eða Áslaug Arna? Víst er þó að það verður opið í Skvísusundi hjá meistaraparinu Jóni Óskari og Huldu Hákon en hvort þar verður tveggja daga partí einsog síðast þegar ég var á þjóðhátíð á eftir að koma í ljós.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

EyjanFastir pennar
Fyrir 2 dögum

Björn Jón skrifar: „Skelfilegt kontóristabæli“

Björn Jón skrifar: „Skelfilegt kontóristabæli“
Eyjan
Fyrir 2 dögum

Anna Sigríður sækir um eigin stöðu

Anna Sigríður sækir um eigin stöðu