Þátttaka í prófkjöri Sjálfstæðisflokksins í Reykjavík var með eindæmum góð og andrúmsloftið rafmagnað. Guðlaugur Þór Þórðarson, utanríkis- og þróunarsamvinnuráðherra, og Áslaug Arna Sigurbjörnsdóttir, dómsmálaráðherra, keppast um oddvitasætið. Rúmlega 7000 manns hafa kosið í kjörinu.
Samkvæmt fyrstu tölum er staðan eftirfarandi en um 1500 atkvæði hafa verið talin af um 7500. Guðlaugur leiðir listann með rétt rúmlega fimmtíu prósent. Enn getur allt gerst en það vekur athygli að Brynjar Níelsson er í fjórða sæti en hann sóttist eftir 2. sæti og Sigríður Á. Andersen, fyrrverandi dómsmálaráðherra, er aðeins í 8. sæti listans en líkt og Brynjar sóttist hún eftir 2. sætinu. Almannatengillinn Friðjón R. Friðjónsson sem sóttist eftir fjórða sætinu er hvergi sjáanlegur, en aðeins voru gefin upp efstu átta sætin í fyrstu tölum.
