Diljá Mist Einarsdóttir, hæstaréttarlögmaður og aðstoðarmaður utanríkis- og þróunarsamvinnuráðherra sækist eftir þriðja sætinu í prófkjöri Sjálfstæðisflokksins í dag.  Hún hefur verið dugleg að vekja athygli á framboði sínu meðal annars með greinaskrifum en margur hefur einnig tekið eftir klassískri leið sem hún fór til að auglýsa sig.

Fjöldi bíla ekur nú um götur borgarinnar með miða í afturrúðunni þar sem stendur „Diljá Mist í 3. sæti“. Meðal þeirra er að sjálfsögðu faðir Diljár, Einar Sveinn Hálfdánarson, hæstaréttarlögmaður.  Einar er að sjálfsögðu Sjálfstæðismaður.

Það hefur borið á því að fólki þyki nóg um auglýsingagleði Sjálfstæðismanna í aðdraganda prófkjörsins en það má vart höfði snúa án þess að líta þar auglýsingu frá einum eða fleiri frambjóðandanum.  Hafa menn velt fyrir sér fjármagninu sem fer í auglýsingar í fjölmiðlum og samfélagsmiðlum og því hlýtur þeim sömu að finnast það ferskur andblær að sjá Diljá koma sér á framfæri með prentuðu A4 blaði aftan á bílum. Nema kannski þeim umhverfissinnuðu sem hefðu frekar viljað sjá slíkt á strætó eða hopp-hjóli. Það er líka gott að hugsa til þess að fjölskylda Diljár er tilbúin að hjálpa með þessum hætti en orðið á götunni er það að einhverjir frambjóðendur séu að borga á bilinu 3000-4000 á tímann fyrir úthringingar. Hagkvæmt og skilvirkt.

Prófkjörinu var að ljúka rétt í þessu og er von á fyrstu tölum klukkan 19:00. Veðbankar hafa spáð því að Áslaug Arna Sigurbjörnsdóttir, dómsmálaráðherra, hafi betur gegn Guðlaugi Þór Þórðarsyni, utanríkis- og þróunarsamvinnuráðherra í baráttunni um oddvitasætið.

XD getiði for fuck sakes sett eitthvað spending limit á prófkjör eins og allir hinir flokkarnir svo við hin getum haldið áfram óáreitt með líf okkar.

— Sigrun Skafta 🇵🇸 (@sigrunskafta) June 5, 2021

langar svo að hugsa um eitthvað annað en prófkjör sjálfstæðisflokksins í svona 30 sekundur plis internet

— Berglind Festival (@ergblind) June 4, 2021

Ég ætla að slökkva á internetinu þar til prófkjör XD er búið.

— Margrét Gauja (@MargretGauja) June 3, 2021

Ég hef minni áhyggjur af dystopískum uppgangi gervigreindar eftir að hafa fengið endalausar markauglýsingar (e. targeted ads) um prófkjör sjálfstæðisflokksins

— Elías Eyþórsson (@eliaseythorsson) June 3, 2021

Sjálfstæðisflokkurinn: það verður að styðja íslenska fjölmiðla og taka RÚV af auglýsingamarkaði.
Líka Sjálfstæðisflokkurinn: Kaupa bara auglýsingar á samfélagsmiðlum fyrir komandi prófkjör

— Óli Valur Pétursson 🇵🇸 (@oli_valur) May 29, 2021

My God hvað þessi prófkjörsmaskína hjá Sjálfstæðisflokknum er rosaleg. Nánast allar keyptar auglýsingar sem birtast hjá mér eru prófkjörs auglýsingar. pic.twitter.com/B064uU9bKa

— Hrafn Jónsson (@hrafnjonsson) May 28, 2021