Brynjar Níelsson endaði í 5. sæti í prófkjöri Sjálfstæðisflokksins í Reykjavík á dögunum. Sú niðurstaða myndi skila honum 3. sæti í öðru kjördæmanna þar en hann sóttist eftir 2. sæti og þar með oddvitasæti í einu kjördæmanna. Stuttu eftir prófkjörið gaf hann út að hann myndi ekki þiggja sætið.

Margir skoruðu þó á Brynjar að halda áfram en hann á sér marga dygga aðdáendur, þó svo að alls ekki allir séu sammála skoðunum hans. Hann hefur þó áður viðurkennt í viðtölum að hann gæti breytt þessari afstöðu sinni.

Í samtali við Fréttablaðið segir Brynjar að hann hafi tekið ákvörðun og muni birta yfirlýsingu í hádeginu í dag. Það verður spennandi að sjá hvað Brynjar hefur ákveðið en hann lá í baði þegar hann ræddi við Fréttablaðið.

„Það er sér­stakt vegna þess að hann kemur frá Jóa og Gunnu út í bæ sem er ekki hluti af þessu for­réttinda­liði og klíku­liði,“ segir hann. „Bara strákarnir í grunninum sem eru að moka fyrir í Al­þingis­húsinu og vinna í þessu hóteli, jafn­vel ó­reglu­mennirnir á Austur­velli. Það skiptir mig meira máli en margir aðrir í stuðningi,“ segir Brynjar.

Brynjar hafði áður grínast með að opna lögmannsstofu ásamt Sigríði Á. Andersen, þingmanni Sjálfstæðisflokksins, sem einnig fékk lélega kosningu í prófkjörinu og tilkynnti að hún myndi ekki bjóða sig fram í komandi kosningum. Nafn stofunnar? Jú, Níelsson og Andersen.

Brynjar er góður skákmaður og því mögulegt að hann sé að hugsa nokkra leiki fram í tímann varðandi þingstörf sín, líkt og hann gerir á taflborðinu.