Föstudagur 05.mars 2021
Eyjan

Guðmundur Franklín segir fólki að ráðast á kommentakerfin – „Hýenurnar eru mættar“

Bjarki Sigurðsson
Fimmtudaginn 11. febrúar 2021 20:00

Guðmundur Franklín

Ekki missa af Helstu tíðindum dagsins í pósthólfið þitt

Lesa nánar

Guðmundur Franklín Jónsson, fyrrum forsetaframbjóðandi, tilkynnti í gær að flokkur hans, Frjálslyndi Lýðræðisflokkurinn, ætlaði að bjóða sig fram til Alþingis í ár. Viðbrögð fólks við framboðinu voru mismunandi en undir grein DV um framboðið skrifaði fjöldinn af fólki ummæli.

Guðmundur virðist ekki hafa verið sáttur með öll ummælin og birti færslu á opna Facebook-hópnum Frjálslyndi lýðræðisflokkurinn þar sem hann deilir frétt DV með yfirskriftinni:

„Endilega skrifa komment inn á DV undir færslunni, hýenurnar eru mættar í niðurrifið,“ en hýenurnar í þessu samhengi eru líklegast fólkið sem talar illa um flokkinn í kommentakerfinu. Meðal annars skrifar Bubbi Morthens undir greinina þar sem hann segir flokkinn vera varasaman.

Stundin birti viðtal við Guðmund fyrr í dag þar sem hann var meðal annars spurður út í stefnumál og framboðslista flokksins en hann hefur birt hvorugt.

„Það kemur ekki til greina að birta listann núna. Það er fullt af fólki á honum og það er svo hrætt við fjölmiðla og fjölmiðlar rífa fólk niður og fara að rannsaka hvað það hefur gert,“ og bætir við að hann vilji ekki birta stefnumál flokksins vegna ótta um að aðrir flokkar steli þeim. Því ætli flokkurinn að vera sá seinasti til að birta þau.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 5 dögum

Gerir upp ævintýralegt kjörtímabil – „Allt sem gerðist lítur út fyrir að hafa ekki getað orðið öðruvísi“

Gerir upp ævintýralegt kjörtímabil – „Allt sem gerðist lítur út fyrir að hafa ekki getað orðið öðruvísi“
Eyjan
Fyrir 5 dögum

Björn Bjarna segir réttarríkið trufla Eflingu í aðför að einkafyrirtækjum – Lýsir einræðistilburðum Sólveigar Önnu

Björn Bjarna segir réttarríkið trufla Eflingu í aðför að einkafyrirtækjum – Lýsir einræðistilburðum Sólveigar Önnu