fbpx
Fimmtudagur 19.maí 2022
Eyjan

Orðið á götunni: Óskýr verkaskipting veldur heilabrotum – Tveir ráðherrar sagðir fara með fjölmiðlamál – Verður til forsetaúrskurðardrykkjuleikur?

Ritstjórn Eyjunnar
Miðvikudaginn 1. desember 2021 20:00

Ekki missa af Helstu tíðindum dagsins í pósthólfið þitt

Lesa nánar

Þó nokkuð púður hefur verið sett í að ráða í nýja verkaskiptingu ráðherra síðan á sunnudaginn þegar þau Katrín Jakobsdóttir, Bjarni Benediktsson og Sigurður Ingi Jóhannsson tilkynntu samsetningu annars ráðuneytis Katrínar.

Strax varð ljóst að um meiriháttar uppstokkun væri að ræða. Tvö ný ráðuneyti verða til og málefnum skeytt saman undir ráðherra sem hingað til hafa ekki verið keyrð samhliða.

Þá er jafnframt ljóst að tilbúningur nýrra ráðuneyta mun fela meira í sér en að fjölga ráðherrabílum og bílstjórum. Verkefnin sem verið er að flytja á milli ráðuneyta, gamalla og nýrra, eru meira en orð á blaði og er þeim flestum sinnt af heilu deildunum af sérfræðingum sem starfa innan ráðuneytanna. Þannig er ljóst að tugir ráðunauta munu þurfa að flytja sig um set.

Margir tóku jafnframt eftir því á sunnudaginn að tveir ráðherrar voru sagðir fara með barnamálin. Það varð þó skýrt nokkuð fljótlega og er Ásmundi Einari Daðasyni falið það verkefni, og engum öðrum.

Hins vegar virðist það enn vera á reiki hver ráðherrana tólf mun fara með fjölmiðlamál á komandi misserum.

Málaflokkurinn heyrði áður undir Lilju Dögg Alfreðsdóttur og fór nokkuð mikið fyrir honum á nýafstöðnu kjörtímabili. Raunar var afgreiðsla fjölmiðlafrumvarpsins svokallaða einn af stóru sigrum Lilju Daggar.

Lilja skrifaði sjálf færslu á samfélagsmiðla í gær þar sem hún segist fagna því að fá að takast á við svo mörg stór mál á næstunni.

„Tónlist, kvikmyndir, ferðaþjónusta, bókmenntir, sviðslistir, hönnun, myndlist, fjölmiðlar og samkeppnis- og neytendamál. Það var stór stund fyrir mig að taka á móti lyklum að ráðuneyti menningar, viðskipta og ferðaþjónustu í morgun,“ skrifaði Lilja á Facebook.

Daginn áður birti mbl.is hins vegar frétt um að málefni fjölmiðla færi til Áslaugar Örnu.

Af lestri forsetaúrskurðar um skiptingu verkefna milli ráðuneyta annars vegar og ráðherra hins vegar, má ráða að Lilja Dögg fari vissulega með málaflokkinn áfram.

Umræddur forsetaúrskurður er engin smásmíði og hafa gárungar haft á því orð að sérfræðing í dulkóðun þurfi til þess að lesa úr skiptingu verkefna milli ráðuneytanna.

Enn aðrir hafa kallað eftir ráðuneytadrykkjuleiknum, og sjá fyrir sér að hægt verði að búa til keppni í lesskilningi upp úr forsetaúrskurðinum.

Áhugasamir geta séð sjálfan úrskurðinn inni á heimasíðu Stjórnartíðinda. Úrskurður númer 125 fjallar um skiptingu verkefna milli ráðuneyta og úrskurður númer 126 um einstaklingana sem fara með ráðherraembættin og hvaða verkefni innan ráðuneytanna heyra undir hvern ráðherra fyrir sig.

Og góða skemmtun!

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

EyjanFastir pennar
Fyrir 3 dögum

Björn Jón skrifar: Stjórnarmynstrið gengur ekki upp

Björn Jón skrifar: Stjórnarmynstrið gengur ekki upp
Eyjan
Fyrir 3 dögum

„Líklega er almættið að segja mér að þetta sé ekki minn starfsgrundvöllur“

„Líklega er almættið að segja mér að þetta sé ekki minn starfsgrundvöllur“
EyjanFastir pennar
Fyrir 5 dögum

Framtíð menntunar

Framtíð menntunar
Eyjan
Fyrir 5 dögum

Niðurnítt umhverfi og slysagildrur í Öldutúnsskóla – „Undra mig á því að það líðist að hafa umhverfi barna svona“

Niðurnítt umhverfi og slysagildrur í Öldutúnsskóla – „Undra mig á því að það líðist að hafa umhverfi barna svona“
EyjanFastir pennar
Fyrir 6 dögum

Endurreisn Sovétríkjanna á íslenska húsnæðismarkaðnum

Endurreisn Sovétríkjanna á íslenska húsnæðismarkaðnum
Eyjan
Fyrir 6 dögum

Auglýsing Vinstri Grænna í Hafnarfirði vekur athygli – „Setjum X við D“

Auglýsing Vinstri Grænna í Hafnarfirði vekur athygli – „Setjum X við D“
Eyjan
Fyrir 1 viku

Stóra undirskriftamálinu vísað til héraðssaksóknara – „Þetta er bara orð á móti orði“

Stóra undirskriftamálinu vísað til héraðssaksóknara – „Þetta er bara orð á móti orði“
Eyjan
Fyrir 1 viku

Jón Steinar gáttaður eftir samtal við þingmann – „Það er eins og þeir haldi að almenningur sem fylgist með sé sauðheimskur“ 

Jón Steinar gáttaður eftir samtal við þingmann – „Það er eins og þeir haldi að almenningur sem fylgist með sé sauðheimskur“