fbpx
Laugardagur 04.desember 2021
Eyjan

Guðmundur spyr erfiðra spurninga: „Af hverju er Ísland svona spes?“

Heimir Hannesson
Föstudaginn 19. nóvember 2021 14:00

Guðmundur Steingrímsson rithöfundur og fyrrverandi þingmaður.

Ekki missa af Helstu tíðindum dagsins í pósthólfið þitt

Lesa nánar

Stigvaxandi sóttvarnarþreyta og óþreyja má greina í íslensku samfélagi segir Guðmundur Steingrímsson, fyrrum þingmaður, í aðsendri grein í Fréttablaðinu í morgun.

Guðmundur lýsir þar þjóð sinni sem seinþreyttri til vandræða. „Við gerum það sem þarf. Einnig hefur vilji til bólusetningar verið mjög mikill hér á landi. Það má því segja að þessi þjóð hafi verið einstaklega viljug þegar kemur að sóttvörnum,“ skrifar Guðmundur, og heldur áfram:

Hins vegar skynjar mitt nef líka af lestri frétta og af samræðum við annað fólk að stigvaxandi óþreyja hefur hreiðrað um sig gagnvart því að einstaklingar, fullbólusettir, þurfi sýknt og heilagt að fara í sóttkví út af nálægð við smitaða. Þetta þarf að ræða.

Guðmundur segir þá sóttkví vera í eðli sínu stofufangelsi, sama hversu dramatískt það hljómi. „Það er hollt að minna sig á þetta, því oft vill gleymast að aðgerðir sem gripið er til tímabundið eru í raun  heilmikið inngrip í líf fólks og svipting á réttindum.“ Þó tekur hann skýrt fram að geisi skæð veira sé rétt að láta slíkt yfir sig ganga. Hins vegar hlýtur að molna undan styrk slíkra réttlætinga þegar fólk nær sér í vörn gegn veirunni. Guðmundur skrifar:

[…] Sé fólk komið með umtalsverða vörn fyrir veirunni með bólusetningu og aðrar áhrifaríkar leiðir eru einnig sannanlega færar til að glíma við hana, verður auðvitað að gæta þess að réttindi fólks séu ekki skert að ósekju. Í sóttkví má fólk ekki hitta annað fólk í návígi, verður að vera heima hjá sér – inni í herbergi séu aðrir á heimilinu – og svo framvegis. Fólk er meira að segja skráð í sóttkví í gagnagrunn heilbrigðisyfirvalda, þannig að rjúfi fólk sóttkvína liggja viðurlög við.

Guðmundur segir óumdeilt að sóttkví kostar sitt.

Sóttkvíin raskar atvinnulífinu og skólastarfi. Hún gerir það að verkum að mun erfiðara er fyrir fjölskyldur að gera sjálfsagðar áætlanir. Það eru lúmsk áhrif, en þannig hefur lífið verið í næstum tvö ár. Alltaf getur símtalið komið. Sóttkví. Öllu aflýst.

Þá bendir Guðmundur á að engar bætur fást fyrir glötuð verðmæti eða breyttum áætlunum vegna sóttkví.

Krafa um sóttkví er því, hvernig sem á það er litið, harkaleg aðgerð. Ég þekki marga sem hafa eytt smitrakningarforritinu úr símanum sínum. Það vill enginn lenda í sóttkví. Fullbólusett fólk, jafnvel þríbólusett, með engin einkenni er látið sitja heima. Engu skiptir þótt það fái neikvætt úr prófi og sé einkennalaust. Heima skal það vera. 

Guðmundur segir beitingu sóttkvíar vera sérstaklega íþyngjandi fyrir skólabörn, þrátt fyrir að þau fá almennt væg einkenni og að mörg þeirra séu nú fullbólusett. „Aðgerðir okkar ættu að miða að því að halda skólastarfi gangandi, án röskunar. Börn ættu ekki að þurfa að fara í sóttkví til að vernda okkur hin,“ skrifar hann.

Að lokum beinir Guðmundur sjónum sínum að samanburði á aðgerðum hér heima og erlendis og spyr erfiðra spurnigna:

Er nauðsynlegt að bólusett fólk fari í sóttkví? Hvað þá þríbólusett? Er nauðsynlegt að börn, sem smita almennt minna og veikjast minna, fari í sóttkví? Hvað þá bólusett börn? Þessar spurningar eru einkar aðkallandi í ljósi þess að Ísland sker sig úr. Ég gúgglaði og komst að þessu: Í Noregi gilda þær reglur að komist manneskja í tæri við smitaða manneskju, þarf hún ekki að fara í sóttkví sé hún bólusett. Hins vegar þarf hún að fara í próf. Það hljómar skynsamlega. Og vera varkár, sem er líka skynsamlegt. Og eru Norðmenn einstaklega kærulausir? Nei, bólusettir þurfa heldur ekki að fara í sóttkví í Svíþjóð né heldur í Finnlandi. Og ekki heldur í Danmörku. Ekki í Þýskalandi. Ekki Bretlandi. Ekki Hollandi. Ekki  Frakklandi. Ekki Írlandi. Alls staðar er einungis mælst til þess að bólusettir, hafi þeir komist í tæri við smitað fólk, fari í próf. Og ekkert þessara ríkja setur skólabörn í sóttkví.

„Af hverju er Ísland svona spes?“ spyr Guðmundur. „Hvar eru rökin? Hvað er öðruvísi hér en í Noregi? Finnlandi? Danmörku?“

Greininni lokar Guðmundur með skilaboðunum: „Það má ekki láta allt yfir sig ganga, gagnrýnislaust. Spyrja þarf.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Í gær

„Ef að þið hafið reynslu af þessum furðu-hryllingi getiði þá upplýst mig um hvenær í guðs nafni ég get hætt?“

„Ef að þið hafið reynslu af þessum furðu-hryllingi getiði þá upplýst mig um hvenær í guðs nafni ég get hætt?“
Eyjan
Í gær

Guðni gerir upp fortíðina – Halldór var á móti honum – „Formaðurinn vildi mig ekki sem ráðherra“

Guðni gerir upp fortíðina – Halldór var á móti honum – „Formaðurinn vildi mig ekki sem ráðherra“
Eyjan
Fyrir 3 dögum

Verkalýðs-Villi svarar Lækna-Tómasi og kemur stóriðjunni til varnar – „Nei fjandakornið“

Verkalýðs-Villi svarar Lækna-Tómasi og kemur stóriðjunni til varnar – „Nei fjandakornið“
Eyjan
Fyrir 3 dögum

Orðið á götunni: Sögulegar sættir í Samfylkingunni – Heiða Björg fékk að fara líka til Mexíkó

Orðið á götunni: Sögulegar sættir í Samfylkingunni – Heiða Björg fékk að fara líka til Mexíkó
Eyjan
Fyrir 4 dögum

Orri Páll verður formaður þingflokks VG

Orri Páll verður formaður þingflokks VG
Eyjan
Fyrir 4 dögum

Yfirlýsing Landverndar vegna stjórnarsáttmála – Fagna áformum nýrrar ríkisstjórnar

Yfirlýsing Landverndar vegna stjórnarsáttmála – Fagna áformum nýrrar ríkisstjórnar