Þriðjudagur 09.mars 2021
Eyjan

Staksteinar segja RUV bera ábyrgð á mótmælum við heimili stjórnmálamanna – „Ógeðfelld pólitísk barátta“

Heimir Hannesson
Föstudaginn 22. janúar 2021 10:13

Davíð Oddsson er ritstjóri Morgunblaðsins.

Ekki missa af Helstu tíðindum dagsins í pósthólfið þitt

Lesa nánar

Höfundur Staksteina í Morgunblaði dagsins í dag gerir, enn eina ferðina, RUV að umfjöllunarefni sínu. Segir höfundurinn RUV bera beina og óbeina ábyrgð á „ógeðfelldum“ mótmælum utan við heimili stjórnmálamanna undanfarin ár.

Margt miður geðslegt sést í stjórnmálabaráttu en fátt ef nokkuð er jafn ógeðfellt og áreiti eða jafnvel árásir á fólk á heimilum þess. Sigurður Már Jónsson blaðamaður fjallar um þetta í pistli á mbl.is og segir þar frá myndbandi á Facebook sem sýni skiltakarlana svokölluðu mæta heim til fyrrverandi dómsmálaráðherra til að afhenda henni ósmekkleg pólitísk skilaboð.

Höfundurinn rifjar þá upp mótmæli við heimili Steinunnar Valdísar, fyrrum borgarstjóra og þá þingmanns Samfylkingarinnar. Styrkir sem Steinunn hafði þegið frá fyrirtækjum sem stórtæk voru í viðskiptum á árunum fyrir efnahagskreppuna 2008 voru kveikjan að mótmælunum. Steinunn tjáði sig mörgum árum síðar um mótmælin og varð mörgum þá ljóst hversu djúpstæð áhrif það hafði á Steinunni og fjölskyldu hennar.

Sigurður Már nefnir fleiri dæmi, svo sem frá margra vikna umsátursástandi við heimili fyrrverandi borgarstjóra, sem þá var þingmaður Samfylkingarinnar, eftir fall bankanna. Dóttir þessa stjórnmálamanns lenti í skrílnum og settar voru upp „sýningar með afhendingu einhverra plagga,“ segir Sigurður, sem bendir líka á að „Ríkissjónvarpið lét hafa sig í að taka þátt í þessu.“

DV fjallaði ítarlega um mótmæli við einkaheimili ráðherra hér á landi á síðasta ári. Þá umfjöllun má nálgast hér: Mótmæli við einkaheimili ráðherra á Íslandi aldrei haft ætlaðan árangur – Fjölskyldan varð óttaslegin.

Staksteinar varpa nú fram kenningu sem ekki hefur farið mikið fyrir hingað til í umræðunni: Nefnilega að RUV beri beina eða óbeina ábyrgð á mótmælunum.

Ríkisútvarpið gerði raunar meira en bara það að mæta á staðinn og taka þátt í ófögnuðinum, stofnunin vísaði fólki beinlínis á heimili fólks til að stuðla að því að rjúfa friðhelgi einkalífs, heimilis og fjölskyldu þess.

Þá segir höfundurinn að framferði sé órannsakað, og enginn hjá RUV beðist afsökunar á framferði fréttamanna stofnunarinnar.

Þetta framferði stofnunarinnar, sem nýtur stuðnings almennings hvort sem fólki líkar betur eða verr og er sögð gegna öryggishlutverki, hefur enn ekki verið rannsakað.

Stofnunin hefur ekki heldur beðist afsökunar á þessu framferði. Ef til vill er það vegna þess að það er í raun óafsakandi. En líklega frekar vegna þess að stofnunin sér ekki nú frekar en þá nokkuð athugavert við þetta.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 3 dögum

Nýjar vendingar í Ásmundarsalsmálinu – Píratar klagaðir til forseta Alþingis – „Fullkominn trúnaðarbrestur“

Nýjar vendingar í Ásmundarsalsmálinu – Píratar klagaðir til forseta Alþingis – „Fullkominn trúnaðarbrestur“
Eyjan
Fyrir 4 dögum

Brynjar sakar Jón Þór um óheiðarleika – „Slík framkoma er ekki boðleg að mínu viti“

Brynjar sakar Jón Þór um óheiðarleika – „Slík framkoma er ekki boðleg að mínu viti“
Eyjan
Fyrir 6 dögum

Segir auðveldara að panta fíkniefni en pizzu

Segir auðveldara að panta fíkniefni en pizzu
Eyjan
Fyrir 6 dögum

Mikið af nýjum íbúðum sem flokkast sem sértæk úrræði koma á markaðinn á árinu

Mikið af nýjum íbúðum sem flokkast sem sértæk úrræði koma á markaðinn á árinu
Eyjan
Fyrir 1 viku

Mannlíf veldur usla hjá Pírötum – „Flokksbróðir þinn er nauðgari og flóttamaður“

Mannlíf veldur usla hjá Pírötum – „Flokksbróðir þinn er nauðgari og flóttamaður“
Eyjan
Fyrir 1 viku

Ólga hjá fjölmiðlum í Hafnarfirði og bæjarfulltrúi blandar sér í málið – „Ekki nota Olgu og hennar lífsviðurværi sem svipu!“

Ólga hjá fjölmiðlum í Hafnarfirði og bæjarfulltrúi blandar sér í málið – „Ekki nota Olgu og hennar lífsviðurværi sem svipu!“