Mánudagur 01.mars 2021
Eyjan

Guðlaugur Þór varar við vinstri stjórn – „Þá munum við aldrei ná viðspyrnu“

Ágúst Borgþór Sverrisson
Sunnudaginn 17. janúar 2021 09:51

Guðlaugur Þór. Mynd: DV/Hanna

Ekki missa af Helstu tíðindum dagsins í pósthólfið þitt

Lesa nánar

„Hættan er auðvitað sú að hér komi aftur ríkisstjórn svipað samsett og borgarstjórnarmeirihlutinn í Reykjavík, sem tókst að stórauka skuldir allt góðærið og komst að því að Reykjavíkurborg væri að stórtapa á ferðamönnum. Nú er borgin laus við ferðamenn, en samt batnar fjárhagur borgarinnar ekkert,“ segir Guðlaugur Þór Þórðarson utanríkisráðherra í helgarviðtali við Morgunblaðið.

Guðlaugur fer um víðan völl í viðtalinu en í lokin víkur hann að þeirri hættu sem hann telur stafa af mögulegri vinstri stjórn, en kosningar til Alþingis verða í haust. Hann telur stjórnarmeirihlutann í borginni skorta raunveruleikatengsl og óttast að hið sama verði ráðandi í mögulegum vinstri meirihluta við landsstjórnina eftir kosningar:

„Allt þetta ber vott um að tengslin við raunveruleikann séu ekki upp á marga fiska. Það væri skelfilegt ef sömu sömu sjónarmið fengju að ráða í landsstjórninni, Því þá er voðinn vís, þá munum við aldrei ná viðspyrnu og aldrei vinna okkur út úr þessu, munum aldrei verða það sem við viljum vera, sem er opið og alþjóðlegt land, þar sem allir, og sérstaklega unga fólkið, fá tækifæri til þess að njóta hæfileika sinna og byggja undir sig og sína.“

Guðlaugur segir að stjórnarsamstarfið við VG hafi gengið vel en þó má greina undir yfirborðinu að ýmislegt hafi gengið á. Aðspurður hvort stjórnarsamstarfið hafi verið erfitt segir hann:

„Við getum bara orðað það sem svo, að það er vandi fyrir svo ólíka flokka að vera samstiga. Við erum oft mjög ósammála, stundum um hluti, sem okkur finnast vera grundvallaratriði.“

Aðspurður hvort rifist sé í ríkisstjórninni segir Guðlaugur:

„Neeei, ég get ekki sagt það. En við skiptumst á skoðunum, kannski meira á milli ríkisstjórnarfunda, einmitt til þess að þeir séu skilvirkir. En það er engin háreysti á milli manna og menn leggja sig fram um að leysa hlutina í friði. Eins og mér finnst að fólk eigi að vinna, hvort sem er í ríkisstjórn eða á öðrum vinnustöðum.“

Hann segir Sjálfstæðisflokkinn og VG vera oft mjög ósammála en málamiðlanir séu gerðar:

„Stutta sagan er þessi: Okkur hefur gengið jafnvel að sannfæra vinstri græn um ágæti okkar hugmynda og hugsjóna og þeim hefur gengið við okkur. Bara ekki neitt. En við náum málamiðlunum og gætum þess yfirleitt að ganga ekki of nærri samstarfsflokkunum.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 1 viku

Barist um oddvitasætið á lista Sjálfstæðisflokksins í Suðurkjördæmi

Barist um oddvitasætið á lista Sjálfstæðisflokksins í Suðurkjördæmi
Eyjan
Fyrir 1 viku

Heiðrún og Daði tókust á – „Auðvitað dettur engum heilvita manni í hug að bjóða upp á það“

Heiðrún og Daði tókust á – „Auðvitað dettur engum heilvita manni í hug að bjóða upp á það“
Eyjan
Fyrir 1 viku

Björn óttast um framtíð fjölmiðlunar á Íslandi – „Til­gang­ur þeirra er að banna umræður í stað þess að ræða mál“

Björn óttast um framtíð fjölmiðlunar á Íslandi – „Til­gang­ur þeirra er að banna umræður í stað þess að ræða mál“
Eyjan
Fyrir 1 viku

Bólusetningadagatal komið út – Hvenær verðið þið bólusett?

Bólusetningadagatal komið út – Hvenær verðið þið bólusett?