fbpx
Föstudagur 16.apríl 2021
Eyjan

Áslaug hringdi í lögreglustjóra eftir að dagbók lögreglu kom upp um Bjarna

Ágúst Borgþór Sverrisson
Þriðjudaginn 23. febrúar 2021 20:16

Samsett mynd úr skjáskotum RÚV. F.v. Halla Bergþóra Björnsdóttir, Bjarni Benediktsson og Áslaug Arna Sigurbjörnsdóttir

Ekki missa af Helstu tíðindum dagsins í pósthólfið þitt

Lesa nánar

Ásmundarsalarmálið frá því á aðfangadag hefur dregið dilk á eftir sér. Þá var upplýst í dagbók lögreglu sem send var venju samkvæmt á fjölmiðla, eldsnemma um morguninn, að „hæstvirtur ráðherra“ hefði verið staddur í samkvæmi í Ásmundarsal á Þorláksmessu, þangað sem lögregla var kölluð til vegna mögulegra brota á sóttvarnareglum. Mikil Covid-smit geisuðu þá enn í samfélaginu og sölusýning í Ásmundarsal varð þar að óformlegri samkomu þar sem áfengi var veitt og samkvæmið var á gráu svæði hvað varðar sóttvarnareglur á þeim tíma. Málið er enn til rannsóknar hjá lögreglu.

Upplýsingar í Dagbók lögreglu eru vanalega ópersónugreinanlegar og því stakk í stúf að tekið væri fram að ráðherra hefði verið á staðnum. Fljótlega eftir að fjölmiðlar tóku að afla upplýsinga um hvaða ráðherra hefði verið í samkvæminu sendi Bjarni Benediktsson fjármálaráðherra frá sér yfirlýsingu þar sem hann gekkst við því að hafa verið í Ásmundarsal.

Núna hefur eftirgrennslan RÚV leitt í ljós að Áslaug Arna Sigurbjörnsdóttir dómsmálaráðherra hringdi í Höllu Bergþóru Björnsdóttur, lögreglustjóra á höfuðborgarsvæðinu, á aðfangadag, eftir að fjölmiðlar greindu frá veru Bjarna í samkvæminu, og spurðist út í upplýsingagjöf lögreglu í dagbók lögreglu.

Svör Höllu Bergþóru við fyrirspurn RÚV um málið eru eftirfarandi:

„Við Áslaug Arna Sigurbjörnsdóttir dómsmálaráðherra ræddum tvisvar saman í gegnum síma um málið sem kom upp í Ásmundarsal í desember. Bæði samtölin sneru að upplýsingagjöf lögregluembættisins og hvernig að henni var staðið.“

Áslaug Arna sagði:

„Ég er æðsti yfirmaður lögreglunnar í landinu og því kemur það oft í minn hlut að svara spurningum sem varða störf hennar. Mér þykir mikilvægt að vera vel upplýst og í góðu sambandi við lögreglustjóra til að geta svarað fyrirspurnum frá almenningi og fjölmiðlum. Fyrir utan þessi samtöl sem ég átti vegna spurninga um verklag og upplýsingagjöf hef ég ekki rætt þetta mál við lögreglustjórann og ekki haft afskipti af rannsókn þessa máls eða annarra.“

Áslaug Arna sagði í samtali við RÚV að hún hefði ekki gert athugasemdir við framgöngu lögreglu í málinu en hún hafi verið að afla upplýsinga þar sem henni hafi borist spurningar um málið, meðal annars frá fjölmiðlum. Þess vegna hafi hún hringt í lögreglustjórann og meðal annars spurt um persónuverndarsjónarmið. Hún hafi eingöngu verið að afla sér upplýsinga.

Samkvæmt fréttinni er upplýsingagjöf lögreglu til fjölmiðla til endurskoðunar, hvað sem það táknar. Mun það vera samróma álit fjölmiðla að almennt sé sú upplýsingagjöf ekki sérlega ríkuleg. Ljóst er hins vegar að sú ákvörðun að taka fram að ráðherra hafi verið í umræddu samkvæmi er á skjön við þær venjur sem tíðkast við gerð texta dagbókar lögreglu sem berst fjölmiðlum reglulega.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Pennar

Mest lesið

Nýlegt

Eyjan
Fyrir 4 dögum

Ásakanir um kynferðisofbeldi valda titringi innan Sjálfstæðisflokksins – „Ástæðan fyrir því að fólk tekur ekki þátt í pólitík!“

Ásakanir um kynferðisofbeldi valda titringi innan Sjálfstæðisflokksins – „Ástæðan fyrir því að fólk tekur ekki þátt í pólitík!“
Eyjan
Fyrir 4 dögum

Silfrið: Brostin samstaða um sóttvarnir og feluleikir Svandísar og Þórólfs – „Hann vildi bara ekkert fá þetta í Landsrétt“

Silfrið: Brostin samstaða um sóttvarnir og feluleikir Svandísar og Þórólfs – „Hann vildi bara ekkert fá þetta í Landsrétt“
EyjanFastir pennar
Fyrir 6 dögum
Farsóttarfangelsið
Eyjan
Fyrir 6 dögum

Brynjar svarar skotum Kára – Segir ferðina ekki hafa verið að óþörfu – „Hluti af óstjórnlegu frekjukasti“

Brynjar svarar skotum Kára – Segir ferðina ekki hafa verið að óþörfu – „Hluti af óstjórnlegu frekjukasti“
Eyjan
Fyrir 1 viku

Birtir opið bréf til Kára vegna Kastljóssviðtalsins – „Hvet þig til að íhuga orð mín“

Birtir opið bréf til Kára vegna Kastljóssviðtalsins – „Hvet þig til að íhuga orð mín“
Eyjan
Fyrir 1 viku

„Lögleiðum ölvunarakstur“ segir Karen – „Þessi áróður um ölvunarakstur minnir mig á umræðuna um hryðjuverk“

„Lögleiðum ölvunarakstur“ segir Karen – „Þessi áróður um ölvunarakstur minnir mig á umræðuna um hryðjuverk“
Eyjan
Fyrir 1 viku

Andrés segir Pál hafa skilið Sjálfstæðisflokkinn eftir úti í kuldanum – Hvað mun gerast í Suðurkjördæmi?

Andrés segir Pál hafa skilið Sjálfstæðisflokkinn eftir úti í kuldanum – Hvað mun gerast í Suðurkjördæmi?