Í dag felldu þingmenn ríkstjórnarflokkanna breytingartillögu Helgu Völu Helgadóttur, þingmanns Samfylkingarinnar, við frumvarp Ásmundar Einars Daðasonar, félagsmálaráðherra, um vinnumarkaðaðgerðir.
Breytingartillagan varðaði annars vegar tímabundna hækkun grunnatvinnuleysisbóta og hins vegar tillögu um að heimild til greiðslu launa í sóttkví yrði látin ná til foreldra langveikra og mikið fatlaðra barna þegar foreldrar geta ekki sinnt vinnu vegna sóttvarnaráðstafana sem leiða til skerðingar á þjónustu eða lokunar skóla hjá börnunum.
„Þetta er jafnréttismál og þetta er stórt mannréttindamál! Ég hvet stjórnarliða til að sýna hugrekki og styðja þetta. Þetta er algjört prisnipmál.“ Sagði Helga Vala fyrir atkvæðagreiðsluna.
Ólafur Þór Gunnarsson, þingmaður Vinstri Grænna sagði að mál langveikra barna væru að sjálfsögðu mikilvæg, en að þau flokkist ekki sem sóttvarnarmál.
27 sögðu já við breytingartillögunni, 32 sögðu nei og 4 voru fjarverandi. Stjórnarandstaðan kaus með, en stjórnarliðar á móti.
