fbpx
Miðvikudagur 28.október 2020
Eyjan

Sólveig Anna miður sín yfir fátæktinni – „Nú eru þessar manneskjur látnar standa í röð til að fá mat fyrir sig og börnin sín“

Ágúst Borgþór Sverrisson
Sunnudaginn 27. september 2020 10:32

Sólveig Anna Jónsdóttir, formaður Eflingar, er harmi slegin vegna málsins.

Ekki missa af Helstu tíðindum dagsins í pósthólfið þitt

Lesa nánar

„Þvílík skömm. Fólk hefur unnið á lágmarkslaunum og knúið áfram hjól atvinnulífsins og hagvöxtinn sem skilað hefur stórkostlegum gróða fyrir einstaka kapítalista. Nú eru þessar manneskjur látnar standa í röð til að fá mat fyrir sig og börnin sín,“ segir Sólveig Anna Jónsdóttir, formaður Eflingar, í stuttum pistli á Facebook-síðu sinni. Þar deilir hún frétt RÚV þess efnis að 200 fjölskyldur á Suðurnesjum hafi þegið mataraðstoð fyrir helgi og það hafi verið þung spor fyrir suma að mæta í röðina fyrir utan Fjölskylduhjálp í Keflavík. Atvinnuleysi er mikið á Suðurnesjunum og um helmingur atvinnulausra eru útlendingar.

„Þetta fólk hefur ekki getað lagt neitt fyrir eða eignast sitt eigið húsnæði; þegar þú stritar fyrir lágmarkslaun áttu aldrei neitt eftir. Því sem næst allar ráðstöfunartekjur hafa farið í svívirðilegan húsnæðiskostnað á gróðavæddum húsnæðismarkaði á einu dýrasta landi í heimi,“ segir Sólveig Anna ennfremur.

Hún gagnrýnir SA harðlega fyrir áform um að fresta launahækkunum lífskjarasamninganna:

„Ég er miður mín yfir þessu ástandi. Og það er órúlegt að hugsa til þess að Samtök atvinnulífsins ætli, á þessari erfiðu stundu, í stríð við hreyfingu vinnandi fólks á Íslandi, í stað þess að sýna örlitla auðmýkt og viðurkenna að láglaunafólkið hefur verið látið axla endalausar byrðar, og það er einstaklega tímabært að mæta því og fulltrúum þeirra með útrétta sáttahönd. Einstaklega tímabært að byrja að vinna að einhverju sem kalla mætti í það minnsta tilraun til efnahagslegs réttlætis.“

Sólveig Anna tiltekur síðan dæmi af pólskri konu sem heitir Kasia. Hún er einstæð og á þrjú börn. Hún missti vinnuna fyrir fjórum mánuðum í upphafi COVID-faraldursins. Hún reynir að leita að vinnu en ástandið sé mjög erfitt því hún þurfi að greiða leigu og margt annað.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Eyjan
Fyrir 4 dögum

Iðnaður gæti orðið helsti drifkraftur viðspyrnu eftir heimsfaraldurinn

Iðnaður gæti orðið helsti drifkraftur viðspyrnu eftir heimsfaraldurinn
Eyjan
Fyrir 4 dögum

Kæra útboð borgarinnar á uppsetningu hleðslustöðva

Kæra útboð borgarinnar á uppsetningu hleðslustöðva