fbpx
Fimmtudagur 02.júlí 2020
Eyjan

Segir Guðmund Franklín eiga að vita betur – „Sem forseti hefur hann ekki neitunarvald á lögum“

Trausti Salvar Kristjánsson
Fimmtudaginn 4. júní 2020 17:00

Ekki missa af Helstu tíðindum dagsins í pósthólfið þitt

Lesa nánar

Þeir Guðmundur Franklín Jónsson forsetaframbjóðandi og Jón Þór Ólafsson, þingmaður Pírata, hafa tekist á um túlkun stjórnarskrárinnar á netinu að undanförnu. Eyjan greindi frá því í gær að Guðmundur, sem hefur lofað að gefa helming launa sinna nái hann kjöri, hafi svarað gagnrýni Jóns Þórs, sem taldi Guðmund ekki hafa unnið heimavinnuna sína, því ekki megi lækka laun forseta á kjörtímabilinu, samkvæmt 9. grein stjórnarskrárinnar.

Guðmundur ætlaði að nýta sér 25. greinina, sem kveður á um að forseti geti lagt fram frumvarp á Alþingi. Sakaði hann Jón Þór um að vita ekki sínu viti þegar kæmi að stjórnarskránni:

„Níunda greinin er ætluð fyrst og fremst til að verja forsetann gegn því að Alþingi lækki launin hans, ef hann reynist þeim erfiður ljár í þúfu,“

sagði Guðmundur.

Sjá nánar: Guðmundur svarar Jóni Þór – „Hann ætti kannski að kynna sér stjórnarskrána betur sjálfur“

Svarað að bragði

Jón Þór svarar Guðmundi í athugasemdakerfinu við frétt Eyjunnar þar sem hann ítrekar að það sé brot á stjórnarskránni að lækka laun forseta meðan hann sé í embætti.

Þó að Guðmundi Franklín tækist að kúga Alþingi til að samþykkja lög um launalækkun forsetaembættisins, þá væri hann sjálfur að brjóta stjórnarskránna.“ /

„Auðvitað er Guðmundur Franklín ósáttur við að vera bent á að það sem hann lofar sem sitt fyrsta verk sem forseti væri brot á stjórnarskrá Íslands.“

Neitunarvaldið sé þjóðarinnar

Þá bendir Jón Þór á að forsetinn sjálfur hafi ekki neitunarvaldið, það sé þjóðin, en Guðmundur sagði í gær að ekkert yrði að lögum nema forsetinn skrifaði undir þau:

„Fullyrðing hans um að „Það verður ekkert að lögum nema forsetinn skrifi undir,“ er röng. Sem forseti hefur hann ekki neitunarvald á lögum. Þjóðin hefur neitunarvaldið skv 26. gr. stjórnarskrárinnar. Forsetinn hefur aðeins réttinn til að vísa málum til þjóðarinnar. Maður sem lofar sífellt að beita málskotsrétti forseta ætti að vita betur en hóta því að „Það verður ekkert að lögum nema forsetinn skrifi undir.“ – Víst, ef þjóðin samþykkir þau.“

Þess má geta að samkvæmt niðurstöðum Þjóðarpúls Gallup sem birtar voru í gær, fékk Guðmundur 10% stuðning, en Guðni Th. Jóhannesson 90%.

Hefur Guðmundur efast um þær niðurstöður og segir þær ekki marktækar.

Sjá nánar: Grunar Gallup um græsku eftir skellinn í gær – „Fyrrverandi Kaupþingsmenn sem eru með dóma á sér“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 2 dögum

Mannréttindadómstóllinn tekur mál Magnúsar Guðmundssonar til efnislegrar umfjöllunar

Mannréttindadómstóllinn tekur mál Magnúsar Guðmundssonar til efnislegrar umfjöllunar
Eyjan
Fyrir 2 dögum

Hvað fær fólk í forsetaframboð sem það getur ekki unnið? – Guðfinnur veltir fyrir sér „Gúnda-fylginu“

Hvað fær fólk í forsetaframboð sem það getur ekki unnið? – Guðfinnur veltir fyrir sér „Gúnda-fylginu“
Eyjan
Fyrir 3 dögum

Icelandair frestar hlutafjárútboði – Greiðslustöðvun náist ekki samningar

Icelandair frestar hlutafjárútboði – Greiðslustöðvun náist ekki samningar
Eyjan
Fyrir 3 dögum

Fangar styðja frumvarp Pírata

Fangar styðja frumvarp Pírata
Eyjan
Fyrir 4 dögum

Svona eru möguleikar Guðna og Guðmundar – Mismunandi niðurstöður

Svona eru möguleikar Guðna og Guðmundar – Mismunandi niðurstöður
Eyjan
Fyrir 4 dögum

Forsetar Íslands, Austurríkis og Ítalíu

Forsetar Íslands, Austurríkis og Ítalíu
Eyjan
Fyrir 6 dögum

Þetta er helsta banamein Íslendinga

Þetta er helsta banamein Íslendinga
Eyjan
Fyrir 6 dögum

Þinglok stranda á afglæpavæðingu fíkniefnaneyslu

Þinglok stranda á afglæpavæðingu fíkniefnaneyslu
Eyjan
Fyrir 6 dögum
Hér á ég heima