fbpx
Laugardagur 11.júlí 2020
Eyjan

„Aktivisti VG“ vísar ásökunum Morgunblaðsins um spillingu á bug – „Töluvert langsótt“

Trausti Salvar Kristjánsson
Sunnudaginn 21. júní 2020 15:16

Ekki missa af Helstu tíðindum dagsins í pósthólfið þitt

Lesa nánar

Aktivistinn Þor­steinn V. Ein­ars­son hlaut á dögunum átta milljóna króna styrk frá Jafnréttissjóði, en hann heldur úti samfélagsmiðlinum Karlmennskan, hvar kastljósinu er varpað á birtingarmyndir karlmennskuhugmynda, en Þorsteinn vakti athygli fyrr á árinu er hann auglýsti eftir karlmönnum sem höfðu naugað eða beitt ofbeldi, til að fá innsýn inn í þeirra hugarheim og reynslu.

Styrkurinn sagður óviðeigandi

Þorsteinn er fyrrverandi varaþingmaður VG og var um það fjallað í Staksteinum Morgunblaðsins í gær, þar sem styrkurinn til hans var gerður tortryggilegur sökum tengsla hans við flokkinn.

Fyrirsögnin á Staksteinum er „Aktívisti VG fær framlag af skattfé“ og er sagt athyglisvert að varaþingmaður VG hefði þegið slíkan styrk til að skrifa pistla fyrir Stundina, en Þorsteinn verður í samstarfi með Stundinni með hlaðvarpsþætti. Sem kunnugt er hefur Stundin verið gagnrýnin á ritstjóra Morgunblaðsins, Davíð Oddson og þá hugmyndafræði sem hann stendur fyrir.

Í Staksteinum, sem jafnan eru ekki höfundamerktir, segir einnig:

„Senni­lega þykir ein­hverj­um skrýtið að það skuli vilja svo til að Katrín Jak­obs­dótt­ir, formaður VG, hafi út­hlutað varaþing­mann­in­um og Stund­inni þess­um gæðum. Ein­hverj­um gæti dottið í hug að þetta kynni jafn­vel að vera óviðeig­andi af ýms­um ástæðum, en senni­lega verða ekki marg­ir til að hafa orð á því, enda vitað að slíkt myndi kalla flóðbylgju fúkyrða frá „aktív­ist­um“, jafn­vel rík­is­styrkt­um, yfir viðkom­andi.“

Langsótt samsæriskenning

Þorsteinn vekur máls á Staksteinaskrifunum á Facebooksíðu sinni í dag, þar sem hann hrekur nokkrar staðreyndavillur og vísar allri meintri spillingu á bug.

Hann nefnir til dæmis að hann sé ekki lengur varaþingmaður VG og nefnir að forsætisráðherra komi hvergi að ferlinu við veitingu styrksins:

„Það telst víst ákveðin tegund viðurkenningar að vera umfjöllunarefni staksteina Moggans. Þessi samsæriskenning og ætluð spilling er töluvert langsótt samt:
1) Ég er ekki varaþingmaður og raunar hætti öllu starfi með Vg fyrir áramót.
2) Styrkurinn er fyrir verkefni Karlmennskunnar og ég vel með hverjum ég vil starfa með.
3) Ákvörðun styrks er tekin af fagráði (5 sérfræðingum) og stjórn sjóðsins (3 sérfræðingum) og því kemur Katrín ekki að ferlinu, nema til að afhenda á táknrænan hátt sem ráðherra jafnréttismála.

En ég þakka kveðjuna frá Hádegismóum og væri gjarnan til í samstarf. Var þetta ekki annars beiðni um það?“

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Katrín svarar Kára

Ekki missa af

Eyjan
Fyrir 4 dögum

Kennir Sjálfstæðisflokknum um Káraklúðrið

Kennir Sjálfstæðisflokknum um Káraklúðrið
Eyjan
Fyrir 5 dögum

Fangelsinu á Akureyri lokað til að nýta peningana betur annars staðar

Fangelsinu á Akureyri lokað til að nýta peningana betur annars staðar
Eyjan
Fyrir 1 viku

Pútín birti grein í Morgunblaðinu

Pútín birti grein í Morgunblaðinu
Eyjan
Fyrir 1 viku

Skera verður niður óþarfa kostnað vegna Covid-19 kreppunnar

Skera verður niður óþarfa kostnað vegna Covid-19 kreppunnar
Eyjan
Fyrir 1 viku

Ragnar vill svör – „Á meðan þingheimur sleikir sólina sleikir þjóðin sárin“

Ragnar vill svör – „Á meðan þingheimur sleikir sólina sleikir þjóðin sárin“
Eyjan
Fyrir 1 viku

Dvínandi stuðningur við ríkisstjórnina en þó meirihluti

Dvínandi stuðningur við ríkisstjórnina en þó meirihluti