Samkvæmt samantekt Héraðsdóms Reykjavíkur og Héraðsdóms Reykjaness hafa færri beiðnir um gjaldþrotaskipti verið lagðar fram í ár heldur en í fyrra. Morgunblaðið greinir frá.
Þetta er nokkuð á skjön við umræðuna í þjóðfélaginu og sem lesa má úr vandræðum atvinnulífsins vegna áhrifa kórónuveirunnar, ekki síst ferðaþjónustunni, en haft er eftir Símoni Sigvaldasyni dómstjóra Héraðsdóms Reykjavíkur, að hægt og rólega hafi dregið úr gjaldþrotabeiðnum frá samkomubanni.
Alls voru skráð 322 gjaldþrotamál í Héraðsdómi Reykjavíkur frá áramótum til 15. maí, en þau voru 337 á sama tíma í fyrra.
Í Héraðsdómi Reykjaness voru beiðnirnar 213, miðað við 257 á sama tíma í fyrra.