fbpx
Mánudagur 25.maí 2020
Eyjan

Fordæma „óábyrga“ afstöðu ASÍ sem leiða muni til fleiri gjaldþrota – „Vinnur beinlínis gegn markmiðum aðgerða stjórnvalda“

Ritstjórn Eyjunnar
Miðvikudaginn 1. apríl 2020 14:47

Jóhannes Þór Skúlason

Ekki missa af Helstu tíðindum dagsins í pósthólfið þitt

Lesa nánar

„Nú er komið formlega fram að Alþýðusamband Íslands hefur hafnað málaleitan Samtaka atvinnulífsins um að leita leiða til að draga tímabundið úr launakostnaði fyrirtækja. ASÍ vill þannig hvorki ljá máls á frestun launahækkana né tímabundinni lækkun mótframlags í lífeyrissjóði. Óformlegar viðræður við ASÍ um þetta hafa staðið yfir um nokkurra vikna skeið án árangurs og formlegt erindi var sent frá SA til ASÍ þann 30. mars. Því erindi hefur nú verið svarað neitandi,“

segir í tilkynningu frá Samtökum aðila í ferðaþjónustu (SAF) þar sem afstaða ASÍ er fordæmd.

ASÍ hefur krafist þess að samningar um launahækkanir verði virtir og fallist gegn því að lækka mótframlag atvinnurekenda í lífeyrisgreiðslum. Fyrr í dag sagði Vilhjálmur Birgisson af sér sem varaforseti ASÍ vegna þess máls, en hann var fylgjandi því að lækka mótframlagið.

Er afstaða ASÍ sögð verða til þess að ekki sé hægt að treysta lengur á forystu Alþýðusambandsins:

„Samtök ferðaþjónustunnar fordæma þessa afstöðu enda verður neitun ASÍ ekki skilin á annan hátt en að verkalýðshreyfingin skorist undan ábyrgð sinni og hyggist ekki leggjast á árarnar með stjórnvöldum og atvinnulífinu á neinn hátt í þeirri lífsbaráttu sem íslensk ferðaþjónusta og efnahagslíf í heild stendur frammi fyrir næstu mánuði og ár. Neitun ASÍ á sanngjarnri málaleitan SA sýnir að ekki er lengur hægt að treysta á að ASÍ sýni ábyrgð í þeim grafalvarlegu aðstæðum sem samfélagið glímir nú við sem heild, gerólíkt því sem áður var.“

Tómlæti leiði til gjaldþrota

Í tilkynningunni er sagt að afstaða ASÍ muni leiða til enn verri stöðu fyrirtækja í ferðaþjónustu:

„Óbilgjörn afstaða ASÍ sýnir þannig fullkomið tómlæti gagnvart hlutverki samtakanna sem ábyrgðaraðila á vinnumarkaði og mikilvægs samstarfsaðila stjórnvalda og atvinnurekenda á fordæmalausum tímum í Íslensku efnahagslífi.

Þá er ljóst að afstaða ASÍ mun óhjákvæmilega leiða til verri fjárhagsstöðu fyrirtækja í ferðaþjónustu sem nú glíma við lamandi aðstæður, með fullkomnu tekjutapi framundan um margra mánaða skeið og gríðarlegum lausafjárskorti.

Það er óskiljanlegt með öllu hvernig forysta ASÍ getur komist að þeirri niðurstöðu að tekjulaus fyrirtæki geti uppfyllt launahækkanir á tímum sem þessum. SAF benda á að mjög stór hluti þeirra umsókna um 25 þúsund umsóknir um hlutaatvinnuleysisbætur sem borist höfðu vinnumálastofunun  í gær voru frá ferðaþjónustufyrirtækjum og starfsfólki þeirra, sem sýnir svart á hvítu hve alvarleg staðan er í greininni.

Ákvörðun ASÍ vinnur beinlínis gegn markmiðum aðgerða stjórnvalda um að styðja við atvinnulíf og að gera fyrirtækjum eins og kostur er kleift að halda ráðningarsambandi við starfsfólks.

SAF telja því augljóst að afstaða ASÍ muni því miður koma niður á félagsmönnum sambandsins þar sem óhugsandi er að ferðaþjónustufyrirtæki geti nú uppfyllt launahækkanir nema með frekari niðurskurði á launakostnaði, m.a. með enn frekari uppsögnum.

Samtök ferðaþjónustunnar skora á Alþýðusamband Íslands að breyta afstöðu sinni.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 3 dögum

Tekist á um hlutabótaleiðina – „Við ætlum að taka maurinn, koma með bazooka og sprengja þá alla.“ 

Tekist á um hlutabótaleiðina – „Við ætlum að taka maurinn, koma með bazooka og sprengja þá alla.“ 
Eyjan
Fyrir 3 dögum

Bjarni tjáir sig um galla Katrínar og samskiptin við Davíð

Bjarni tjáir sig um galla Katrínar og samskiptin við Davíð
Eyjan
Fyrir 5 dögum

Flugfreyjur neita að láta hræðsluáróður Icelandair beygja sig í duftið – Ítreka samningsvilja sinn

Flugfreyjur neita að láta hræðsluáróður Icelandair beygja sig í duftið – Ítreka samningsvilja sinn
Eyjan
Fyrir 5 dögum

Brynjar skilur ekki neyslurými en vill afglæpavæða neyslu – „Þetta er bara einhver þvæla“

Brynjar skilur ekki neyslurými en vill afglæpavæða neyslu – „Þetta er bara einhver þvæla“
Eyjan
Fyrir 5 dögum

Icelandair sagt „ógeðslegt“ fyrirtæki – „Með því viðbjóðslegasta sem ég hef séð“

Icelandair sagt „ógeðslegt“ fyrirtæki – „Með því viðbjóðslegasta sem ég hef séð“
Eyjan
Fyrir 5 dögum

„Latasti þingmaðurinn kvartar yfir vinnusemi kollega síns. You can´t make this shit up“

„Latasti þingmaðurinn kvartar yfir vinnusemi kollega síns. You can´t make this shit up“
Eyjan
Fyrir 6 dögum

Vill skoða aðrar útfærslur á sýnatökugjaldi í Leifsstöð – „Ættum að kalla þessa gjaldtöku pólska skattinn“

Vill skoða aðrar útfærslur á sýnatökugjaldi í Leifsstöð – „Ættum að kalla þessa gjaldtöku pólska skattinn“
Eyjan
Fyrir 6 dögum

Verkfræðiprófessor boðar nýstárlega samgöngulausn fyrir Miklubraut -„Hefur hvergi sést áður“

Verkfræðiprófessor boðar nýstárlega samgöngulausn fyrir Miklubraut -„Hefur hvergi sést áður“