fbpx
Laugardagur 30.maí 2020
Eyjan

„Aðferð hans er röng og getur leitt til stórtjóns“ sagði Frosti um Þórólf og spáði að 5000 yrðu smitaðir í dag – Spáin gekk ekki eftir

Ritstjórn Eyjunnar
Föstudaginn 27. mars 2020 11:40

Ekki missa af Helstu tíðindum dagsins í pósthólfið þitt

Lesa nánar

Frosti Sigurjónsson, viðskiptafræðingur og fyrrverandi þingmaður Framsóknarflokksins, skrifaði opið bréf til Katrínar Jakobsdóttur forsætisráðherra í síðustu viku, hvar hann hvatti til harðari aðgerða gegn Covid-19 faraldrinum, en Frosti er orðinn að einskonar táknmynd þeirra sem vantreysta stjórnvöldum og aðgerðum þeirra, og telja að ekki sé nóg að gert.

Hefur Frosti til að mynda ítrekað gagnrýnt Þórólf Guðnason sóttvarnalækni og talið hann fara með fleipur. Vill Frosti að farin verði Asíuleiðin svokallaða, þar sem öllu er lokað og allir skyldaðir í sóttkví, þar sem eins konar herlög eru í gildi.

Þó hefur Þórólfur sóttvarnalæknir útskýrt það oftar en einu sinni að slíkar aðferðir muni aðeins verða til þess að faraldurinn blossi aftur upp síðar á árinu og því séu slíkar leiðir ekki skynsamlegar.

Frosti hefur þó tröllatrú á eigin sannfæringu:

„Þú ert vonandi mjög hugsi, enda hvílir ábyrgðin nú á þínum herðum og ríkisstjórnarinnar. Það er ekki hægt að vísa ábyrgð á sóttvarnarlækni, nú þegar öllum má vera ljóst að aðferð hans er röng og getur leitt til stórtjóns. Önnur margfalt skjótvirkari og öruggari leið er í boði,“

sagði Frosti í bréfi sínu til Katrínar.

Íslensk stjórnvöld hafa hinsvegar fengið lof fyrir viðbrögð sín í faraldrinum frá flestum, og hefur sú viðurkenning náð út fyrir landssteinana.

Sjá nánar: Viðbrögð Íslands við kórónaveirunni í heimsfréttum
Sjá nánar: Þórólfur og Alma vekja athygli hjá milljónum manna – Viðtal við risastóra fréttastofu í Bandaríkjunum
Sjá nánar: Frosti segir lækna vera mjög uggandi í opnu bréfi til Katrínar – „Er það bara ásættanlegt?“

Spáin gekk ekki eftir

Í bréfi sínu frá 19. mars spáði Frosti því að í dag, viku síðar, yrðu smit orðin 5000 talsins hér á landi:

„Staðfest smit eru orðin 330 en samkvæmt skimun DeCode er líklegt að í samfélaginu séu 0,7% (2.500) landsmanna smitaðir. Óafvitandi smita þeir nú börn, kennara, ástvini, gamalt fólk og veikt. Eftir viku verða smitaðir líklega orðnir 5.000 og hér eins og á Ítalíu munu 5-10% þeirra veikjast mjög illa. Það verða þá 250- 500 sem þurfa að leggjast inn, sumir á gjörgæslu. Er það bara ásættanlegt? Góður árangur? Hver dagur sem líður án stefnubreytingar fjölgar smitum um 5-20%“

sagði Frosti þá.

Staðfest smit í dag þegar þetta er skrifað eru hinsvegar 802 talsins, en ekki 5000 líkt og viðskiptafræðingurinn Frosti taldi. Þó má gera ráð fyrir að þeim fjölgi eitthvað þegar líða tekur á daginn.

Upplýsingar um Covid-19 má sjá hér.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Í gær

Vilja skapa 200 störf – Viðbótarfjárfestingar allt að sex milljarðar

Vilja skapa 200 störf – Viðbótarfjárfestingar allt að sex milljarðar
Eyjan
Í gær

Landsvirkjun boðar nýjung í framleiðslu sinni – „Enn fátíð í heiminum“

Landsvirkjun boðar nýjung í framleiðslu sinni – „Enn fátíð í heiminum“
Eyjan
Fyrir 2 dögum

Kristján Þór óvinsælasti ráðherrann samkvæmt Gallup

Kristján Þór óvinsælasti ráðherrann samkvæmt Gallup
Eyjan
Fyrir 2 dögum

Vigdís ósátt: „Þessi tillaga snýst um að hægt verði að bjarga mannslífum“

Vigdís ósátt: „Þessi tillaga snýst um að hægt verði að bjarga mannslífum“
Eyjan
Fyrir 3 dögum

Baráttan um Bessastaði – Óvænt úrslit í netkönnun DV

Baráttan um Bessastaði – Óvænt úrslit í netkönnun DV
Eyjan
Fyrir 3 dögum

Telur hugmynd stjórnvalda vonda -„Má spyrja sig hvort það sé til lengdar skyn­sam­legt“

Telur hugmynd stjórnvalda vonda -„Má spyrja sig hvort það sé til lengdar skyn­sam­legt“
Eyjan
Fyrir 4 dögum

Utankjörfundaratkvæðagreiðsla hefst í dag

Utankjörfundaratkvæðagreiðsla hefst í dag
Eyjan
Fyrir 5 dögum

Guðmundur segist eiga stóra vopnageymslu af upplýsingum um starfsmenn RÚV

Guðmundur segist eiga stóra vopnageymslu af upplýsingum um starfsmenn RÚV