Er góð hugmynd að taka út séreignina? spyr Björn Berg Gunnarsson, deildarstjóri Greiningar og fræðslu Íslandsbanka í aðsendri grein á Vísi.
Svarið er já samkvæmt Birni, alltént fyrir þá sem ekki eiga ógrynni af peningum og finna brýna þörf til þess í núverandi ástandi:
„Þar sem séreign mun reynast okkur afar dýrmæt þegar við verðum eldri er stór ákvörðun að nýta þá fjármuni í dag. En nú er hætt við að fjárhagur margra muni versna, vonandi bara tímabundið, en höggið getur orðið þungt. Þá getur verið dýrmætt að geta nýtt séreignina til að komast í gegnum erfiðasta skaflinn. Úttekt við slíkar aðstæður er ekki bara skiljanleg heldur getur verið æskileg og nauðsynleg.“
Hann ítrekar að aðeins þeir sem telja brýna þörf á slíkri úttekt ættu að láta slag standa, þar sem slík úttekt gæti fórnað hagsmunum framtíðarinnar.
Undir venjulegum kringumstæðum stendur almenningi ekki til boða að taka út séreignarsparnað sinn fyrr en við 60 ára aldur.
Hinsvegar hefur nú verið opnað fyrir undanþágu frá þeirri reglu, sem er liður í aðgerðum stjórnvalda til að sporna við efnahagslegum áhrifum Covid-19 faraldurins.
Heimildin er á þennan veg:
Björn ítrekar mikilvægi þess að allir nýti sér viðbótarlífeyrissparnaðinn og mótframlag vinnuveitanda upp á 2-4 prósent, sem sé í raun launahækkun.
„Séreign er með öðrum orðum mikilvægur þáttur þess að hafa það betra þegar við verðum eldri og það hefur ekki breyst, þrátt fyrir þessa tímabundnu heimild til úttektar.“
