Framsókn boðar fund um samgöngumál á Akureyri, birtir mynd af bíl þar sem inni situr góðlátlegur Sigurður Ingi Jóhannsson, en greina má Willum Þór Þórsson við stýrið, Lilju Alfreðsdóttur hlaupandi, fyrir aftan hana Ásmundur Einar Daðason. Þar fyrir aftan eru Líneik Anna Sævarsdóttirog Silja Dögg Gunnarsdóttir en inni í bílnum sitja Þórarinn Ingi Pétursson og Halla Signý Kristjánsdóttir.

Myndin minnir óneitanlega á kvikmyndina Little Miss Sunshine frá 2006. Þetta var grátbrosleg mynd, reyndar má geta þess að fullorðni maðurinn í myndinni, leikinn af Alan Arkin, tók upp á því að deyja. Og svo má bæta því við að allir í myndinni voru stórskrítnir.

Hér sést svo betur hvernig Lilja Alfreðsdóttir lítur út á myndinni.

Tek fram að það var hinn glöggi norðanmaður Stefán Friðrik Stefánsson sem kom auga á líkindin með auglýsingunum sem eru auðvitað ekki tilviljun – ætli megi ekki frekar tala um tilvitnun í þessu sambandi.