Afgreiðslutími á erindagjörðum fólks hjá sýslumannsembættunum hér á landi hefur verið í fréttum undanfarin misseri, ekki síst sýslumanninum á höfuðborgarsvæðinu.

Samkvæmt svari dómsmálaráðherra við fyrirspurn Björns Leví Gunnarssonar, þingmanns Pírata, er lengsti tíminn sem leið á milli beiðni til úrskurðar í umgengnismálum alls 1.852 dagar, eða rúm fimm ár.

Biðtíminn var lengstur rúm þrjú ár þegar um forsjár- og meðlagsmál er að ræða, eða 1.060 dagar.

Að meðaltali líða 473 dagar frá beiðni um breytingar á umgengni, þar til úrskurður fæst, eða útgáfu árangurslauss sáttavottorðs, hjá sýslumanninum á höfuðborgarsvæðinu.

Biðtími annarra sýslumannsembætta í sama málaflokki er einnig í lengri kantinum þegar farið er út fyrir höfuðborgarsvæðið

Biðtími að meðaltali í dögum talið

Reykjavík – 473 (umgengnismál) 64 (forsjár- og meðlagsmál)

Suðurnes – 468 dagar (umgengnismál síðan 2018)

Suðurland – 291 (umgengnismál) 304 (Forsjármál 2018) 398 Umgengnismál 2018) 185 (Forsjármál)

Vestfirðir – 71

Vesturland – 103 (Umgengnismál) – 30 (forsjár-meðlagsmál)

Norðurland vestra – 288

Norðurland eystra – 210

Austurland – 217

Vestmannaeyjar – 40

Sjá einnig: Lýsir „ófremdarástandi“ hjá embætti Sýslumanns:„Algjörlega óboðlegt!“

Sjá einnig: Helga hneyksluð yfir hægaganginum – „Þetta versnar bara og versnar – Finnst ykkur þetta eðlilegt?“