fbpx
Miðvikudagur 01.apríl 2020
Eyjan

Gunnar Smári hjólar í Hörpu – „Láta konu í hefndarhug leiða viðræður við láglaunafólkið“

Ritstjórn Eyjunnar
Þriðjudaginn 18. febrúar 2020 11:37

Ekki missa af Helstu tíðindum dagsins í pósthólfið þitt

Lesa nánar

Samninganefndir Eflingar og Reykjavíkurborgar hittust hjá ríkissáttasemjara í morgun í fyrsta skipti í 11 daga til að reyna að skera á hnútinn í kjaraviðræðunum, en í gær hófst ótímabundið verkfall Eflingar. Fundað verður aftur á morgun.

Gunnar Smári Egilsson, fjölmiðlamaður og sósíalistaforingi er dyggur stuðningsmaður Sólveigar Önnu Jónsdóttur, formanns Eflingar. Hann skrifar um kjaradeiluna í dag á Facebook og sakar fyrrverandi starfsmann Eflingar, Hörpu Ólafsdóttur, um dómgreindarleysi og að baktala forystu Eflingar í eyru meirihlutans í Reykjavík:

„Ætli borgin mæti á fundinn tómhent? Haldi áfram hernaði sínum gagnvart fátækasta fólkinu í borginni? Og ætli fyrrum starfsmaður Eflingar, sem hætti vegna ónægju með kjör félagsmanna á nýrri forystu, leiði áfram viðræðurnar fyrir hönd okkar borgarbúa? Hvað er það? Harpa Ólafsdóttir hefur ekki aðeins leitt þessar viðræður inn í blindstræti og verkföll heldur hefur augljóslega sannfært grey fólkið í meirihlutanum um að forysta Eflingar sé vandamálið, ekki kröfur félagsmanna,“

segir Gunnar Smári og skýtur föstum skotum á borgarstjóra fyrir sinn þátt:

„Það hefur mátt heyra á mæli Dags B. Eggertsson borgarstjóra sem er byrjaður að bresta í lofræður um Sigurð Bessason, fyrrum formann Eflingar og yfirmann Hörpu, og dásama starf hans fyrir verkalýðinn (sem merkir þá að núverandi forysta starfi ekki fyrir verkalýðinn). Fólkið í meirihlutanum hefur margsannað að það er ekki í standi til að rekajafn stóra einingu í Reykjavíkurborg er; framkvæmdir fara langt fram úr áætlunum, eftirlit er ekkert, samningar ekki frágengnir og einelti og bunker mentality grasserar í Ráðhúsinu. Það að skipa Hörpu formann samninganefndar sýnir sama dómgreindarleysið, að láta konu í hefndarhug leiða viðræður við láglaunafólkið. Eins og það hafa þurft að flækja málin!“

Tilefni sérstaka siðareglna ?

Harpa hætti hjá Eflingu þegar Sólveig Anna tók við stjórnartaumunum þar, en forystuskiptin árið 2018 í Eflingu þóttu ansi stormasöm líkt og áður hefur verið fjallað um.

Gunnar Smári og forysta Eflingar hafa áður gagnrýnt Hörpu fyrir að hafa „skipt um lið“ og sitja hinum megin borðsins. Spurði Gunnar af því tilefni hvort ástæða væri til að setja sérstakar siðareglur sem bönnuðu slík starfskipti:

„Í tillögum siðfræðinga um breytta stjórnmálamenningu má meðal annars finna tillögu um að banna stjórnmálamönnum að hoppa úr stjórnmálum yfir borðið í þjónustu hagsmunasamtaka fyrirtækja- og fjármagnseigenda. En hvað með verkalýðshreyfinguna, á hún að setja sér slíkar reglur? Harpa Ólafsdóttir, sem stýrir nú samningum við verkalýðsfélögin fyrir hönd Reykjavíkurborgar var þar til fyrir rúmu ári síðan forstöðumaður kjaramálasviðs Eflingar og hagfræðingur félagsins. Reykjavíkurborg er náttúrlega ekki hagsmunasamtök hinna fáu ríku, heldur lýðræðisvettvangur allra borgarbúa; en það er samt skrítið að sá sem áður samdi fyrir hönd Eflingar um hækkun launa við Reykjavíkurborg skuli nú sitja hinum megin borðsins og verjast kröfum Eflingar og annarra verkalýðsfélaga um hækkun launa og styttingu vinnuvikunnar.“

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 23 klukkutímum

Hrun blasir við kvikmyndaiðnaðinum á Íslandi – „Ein af fyrstu atvinnugreinum sem leggjast af í kreppu – Í einu orði sagt hræðilegt“

Hrun blasir við kvikmyndaiðnaðinum á Íslandi – „Ein af fyrstu atvinnugreinum sem leggjast af í kreppu – Í einu orði sagt hræðilegt“
Eyjan
Í gær

Kauptilboðum fasteigna fækkar um 30% – Mikil óvissa á markaði vegna Covid-19

Kauptilboðum fasteigna fækkar um 30% – Mikil óvissa á markaði vegna Covid-19
Eyjan
Fyrir 2 dögum

Þingmaður sakar Viðskiptablaðið um rasisma –  „Íhaldið á bágt þessa dagana“

Þingmaður sakar Viðskiptablaðið um rasisma –  „Íhaldið á bágt þessa dagana“
Eyjan
Fyrir 2 dögum

Stjórnarandstaðan vill að meira sé gert vegna Covid – 19 – Sameinast um 30 milljarða innspýtingu

Stjórnarandstaðan vill að meira sé gert vegna Covid – 19 – Sameinast um 30 milljarða innspýtingu
Eyjan
Fyrir 4 dögum

Sonja Ýr fordæmir umsögn Viðskiptaráðs – „Kemur eins og köld gusa í andlit fólks sem leggur nótt við nýtan dag að bjarga mannslífum“

Sonja Ýr fordæmir umsögn Viðskiptaráðs – „Kemur eins og köld gusa í andlit fólks sem leggur nótt við nýtan dag að bjarga mannslífum“
Eyjan
Fyrir 4 dögum

Þetta eru 15 aðgerðir landbúnaðar og sjávarútvegs til að bregðast við áhrifum COVID-19

Þetta eru 15 aðgerðir landbúnaðar og sjávarútvegs til að bregðast við áhrifum COVID-19