Líklega hefur stór hluti þjóðarinnar horft á Kastljósþátt gærkvöldsins, en þar sat Bjarni Benediktsson, fjármálaráðherra fyrir svörum og var spurður út í atvikið í Ásmundarsal. Í viðtalinu fullyrti Bjarni meðal annars að hann liti ekki svo á að um samkvæmi hefði verið að ræða og hélt því fram að það hefði verið auðveldara fyrir hann að segja af sér, heldur enn að halda ótrauður áfram.
Bjarni í Kastljósinu: „Mér var aldrei boðið í neitt samkvæmi“
Þónokkrar umræður mynduðust um viðtalið á samfélagsmiðlum, þar á meðal Twitter. Sóley Tómasdóttir, fyrrverandi oddviti Vinstri grænna var þar á meðal, en hún hefur, líkt og margir, verið dugleg að gagnrýna Bjarna og Þorláksmessumál hans.
Í gær lagði Sóley til nokkrar spurningar sem hún hefði viljað sjá Bjarna svara í þættinum. Fyrsta spurning Sóleyjar varðaði vínveitingar í Ásmundarsal, hvort vín hefði verið á boðstolnum alla daga þessarar viku, eða bara þennan eina dag.
Spurningar sem hefði mátt varpa fram í Kastljósi kvöldsins:
1. Af hverju var verið að bjóða upp á vín á sölusýningu? Hafði verið boðið upp á vín alla aðra daga þessarar sýningar? Ertu aaaalveg viss um að þetta hafi ekki verið boð fyrir útvalin?— Sóley Tómasdóttir (@soleytomasar) December 28, 2020
Þá spurði Sóley hvort Bjarni væri raunverulega á þeirri skoðun að þingmenn Sjálfstæðisflokksins, Brynjar Níelsson og Sigríður Á. Andersen, hefðu ekki talað gegn sóttvarnaraðgerðum, og hvort hann væri stoltur af þeirra framgöngu.
2. Varðandi Sigríði og Brynjar. Ertu í alvöru að mótmæla því að þau hafi talað gegn sóttvarnaraðgerðum? Ertu stoltur af þeirra framgöngu gegn faraldrinum?
— Sóley Tómasdóttir (@soleytomasar) December 28, 2020
Þriðja spurningin varðaði hvort að brot á sóttvarnarlögum hefði átt sér stað í salnum. Sóley spurði hvort lögregla hefði yfir höfuð stöðvað samkomuna hefðu engar sóttvarnarreglur verið brotnar, og hefði svo verið, þyrfti þá ekki að rannsaka það.
3. Ef það var ekkert ólöglegt í gangi, fjöldi innan marka og opnumartími líka, af hverju stoppaði lögreglan þá “sölusýninguna”? Er ekki eðlilegt að slíkt valdníðsla verði þá rannsökuð?
— Sóley Tómasdóttir (@soleytomasar) December 28, 2020
Sóley benti svo á að þeir sem krefðust afsagnar Bjarna væru ekki að gera það vegna þess að starf hans væri erfitt, heldur vegna þess að þeim fyndist hann haf brugðist almenningi. Í því samhengi spurði hún hvort hann ætti sitja áfram í embætti ef traustið væri farið.
Nú er ekki verið að leggja til að þú segir af þér af því þér finnist vinnan þín erfið, heldur af því þú hafir brugðist trausti almennings. Þú talar um að stjórmálafólk þurfi að standa af sér erfiðleika, en á það að sitja áfram þegar það er rúið trausti?
— Sóley Tómasdóttir (@soleytomasar) December 28, 2020
Í einskonar aukaspurningu Sóleyjar spurði hún hvers vegna aðrar reglur hefðu verið í gildi þetta tiltekna kvöld í Ásmundarsal, og vitnaði í skjáskot þar sem stendur að allt að tíu manns megi vera á sýningunni í einu, en líkt og flestir muna var talað um að 40-50 einstaklingar hefðu verið í salnum á Þorláksmessu.
Ein spurning til viðbótar fyrir #kastljós. Af hverju voru þessar reglur ekki í gildi þetta kvöld? Allt að 10 manns? Og: Hafði einhver pantað veitingar fyrirfram eða var bara allt í einu allt í boði? #segðuafþér pic.twitter.com/VOwUf3c65f
— Sóley Tómasdóttir (@soleytomasar) December 28, 2020