Helga Vala Helgadóttir, þingkona Samfylkingarinnar, hrósar og Svandísi Svavarsdóttur heilbrigðisráðherra fyrir það hvernig hún svaraði Sigríði Á Andersen, þingkonu Sjálfstæðisflokksins, í dag. Í færslu sem birtist á Facebook-síðu Helgu segir hún Svandísi hafa „löðrungað“ Sigríði.
„Stundum er gaman að horfa á þingmenn skiptast á skoðunum í þingsal. Slíkt átti sér stað rétt í þessu þegar Svandís Svavarsdóttir, „löðrungaði“ Sigríði Andersen í umræðu um sóttvarnir. Þarna sýndi Svandís hvað hún, þegar þannig er gállinn á henni, er fjári orðheppin og snjöll.“
Umræða um sóttvarnaraðgerðir stjórnvalda voru til umræðu á Alþingi í morgun, en þar gaf Sigríður í skyn að í raun væri Svandís væri ekki sú sem að væri með stjórnartaumana og sagði það vont.
„Það er vont að heyra það ef hæstvirtur heilbrigðisráðherra telur það ekki vera á sínu borði hvaða sóttvarna reglum almannavarnir eru að beina til einstakra einstaklinga úti í landinu og ef það eru einhver áhöld uppi um það hvaða reglur raunverulega gildi hér,“
Svandís svaraði því fullum hálsi og spurði hvort að Sigríður vildi ekki fylgja leiðbeiningum sóttvarnarlæknis og bað hana um að útskýra eigin sjónarmið í málinu, sem hafi aldrei komið fram. Eflaust var það „löðrungs“-svarið sem Helga Vala átti við.
„Ég vil minna háttvirtan þingmann á að það er almannavarnaástand á Íslandi og hefur varað núna um nokkurra mánaða skeið. Ég vil skilja spurningu eftir hjá háttvirtum þingmanni sem lætur að því liggja og hefur rætt það, bæði í fjölmiðlum í greinum og annars staðar og núna síðast í í þingsal, að við förum hér villur vegar í því hvernig við erum að bregðast við. Ég vil biðja háttvirtan þingmann um að leggja lykkju á leið sína í þingsal einhvern góðan veðurdag einmitt í málstofu hlutverkinu að deila með okkur hinum sínum sjónarmiðum að því er varðar það hvernig á að taka á málinu. Hvað er það sem háttvirtur þingmaður leggur til? Það hefur aldrei komið fram. Leggur háttvirtur þingmaður til að við förum ekki að ráðum sóttvarnalæknis í glímunni við Covid-19? Hvað er það sem viðkomandi þingmaður leggur til? Það dugar nefnilega ekki að tala bara á móti einhverju. Maður ber ábyrgð hérna í þessum þingsal sem þingmaður,“
https://www.facebook.com/helgavala/posts/10157793987511728