Töluvert fjaðrafok hefur skapast í kringum bækling sem Reykjavíkurborg sendi frá sér nýverið og kostaði 10,2 milljónir í framleiðslu. Sjá nánar hér.
Samkvæmt upplýsingum frá skrifstofu borgarstjóra og borgarritara hefur sambærilegt blað verið gefið út um árabil og dreift um allt höfuðborgarsvæði til að segja frá því sem er að gerast í húsnæðisuppbyggingu í Reykjavík. Þá var sérstök áhersla á Græna planið í blaðinu í ár sem er viðspyrnuáætlun borgarinnar út úr Covid-19.
Borgarráðsfulltrúar Samfylkingarinnar, Viðreisnar, Pírat og Vinstri grænna lögðu fram bókun síðast liðin fimmtudag á fundi borgarráðs þar sem framm eru taldir kostir útgáfunnar.
„Reykjavíkurborg hefur um árabil leitast við að greina stöðuna á húsnæðismarkaðnum og hverjar búsetuóskir íbúa borgarinnar, höfuðborgarsvæðisins og landsbyggðarinnar eru enda ríkir samkeppni á milli sveitarfélaga landsins um íbúa. Það er eðlilegt að einhver kostnaður hljótist af því að auglýsa borgina sem spennandi búsetukost. Það skilar sér margfalt til baka. Þá voru borgin og önnur sveitarfélög gagnrýnd fyrir að sýna ekki nægilega vel á spilin með sín uppbyggingaráform í aðdraganda efnahagshrunsins og er bæklingurinn hluti af bættri upplýsingagjöf,“ segir í bókuninni.
Í skriflegu svari frá Skrifstofu Borgarstjóra kemur einnig fram að allur pappír í bæklingnum sé svansvottaður og prentun blaðsins er með umhverfisvottun.