Ríkisstjórnin er í þessu að kynna viðspyrnuaðgerðir vegna stöðunnar í efnahagsmálum Íslands vegna faraldurs COVID-19.
Vekur þar athygli að öryrkjar fá sérstakan stuðning. Ásmundur Einar Daðason, barnamálaráðherra, kynnti aðgerðir til öryrkja.
Í fyrsta lagi er um einskiptist aðgerðir að ræða, skattfrjálsa eingreiðslu upp á 50.000 krónur sem verður skattfrjáls og án skerðinga gagnvart öðrum tekjum.
Einnig er verið að undirbúa desemberuppbót gagnvart þessum hóp þannig að allir öryrkjar sem búa einir fái 61.839 krónur í desemberuppbót og þeir sem búa með öðrum fá 46.217 krónur.
Síðan er verið að undirbúa frekari breytingar og verður farið í litla kerfisbreytingu sem er ætlað að taki gildi um áramót sem miðar að því að það komi viðbótarhækkun til örorkulífeyrisþega upp á 8 þúsund krónur sem mun dreifast með þeim hætti það fer meira til þeirra sem eru á strípuðum mótum. Síðan er almenn hækkun almannatrygginga nú um áramót upp á 3,6 prósent sem nemur um 11 þúsund krónum.
Þeir sem eingöngu eru með tekjur frá Tryggingastofnun ríkisins munu fá hækkun upp á 21 þúsund krónur frá og með 1. janúar.
Þarna er breyting á tekjuskattskerfinu sem munu koma til framkvæmda um áramót. Hins vegar er viðbótarhækkun sem sérstaklega er beint að þeim öryrkjum sem hafa engar aðrar tekjur en greiðslurnar frá Tryggingastofnun og þessi breyting er varanleg.