fbpx
Þriðjudagur 26.janúar 2021
Eyjan

Björn Leví: „Við því segi ég: Bull“

Máni Snær Þorláksson
Miðvikudaginn 21. október 2020 10:07

Mynd: Eyþór Árnason

Ekki missa af Helstu tíðindum dagsins í pósthólfið þitt

Lesa nánar

„Get­um við gert bet­ur? Við öll? Ég myndi halda að aug­ljósa svarið sé já.“

Svona hefst pistill sem Björn Leví Gunnarsson, þingmaður Pírata, skrifar en pistillinn birtist í Morgunblaðinu í dag. „Ekk­ert er svo full­komið að það end­ist að eilífu. Við get­um alltaf gert bet­ur, eða að minnsta kosti reynt það. Hvernig ger­um við bet­ur væri kannski eðli­leg fram­halds­spurn­ing, því sitt sýn­ist hverj­um um hvað er hægt að gera bet­ur,“ segir hann.

Björn talar um fyrirkomulagið lýðræði í pistlinum og segir að við höfum búið til það fyrirkomulag til þess að ákveða hvað við viljum að betur sé gert. „Al­veg eins og öll sköp­un­ar­verk manns­ins þá er lýðræði ekki full­komið, en það er besta aðferðin sem við höf­um,“ segir Björn.

„Lýðræði er ekki ein­falt verk­færi eins og ham­ar, það er marg­slungið og búið alls kon­ar tækj­um og tól­um til þess að passa upp á ein­fald­leika og til­lits­semi. Við erum með kjörna full­trúa, at­kvæðagreiðslur um ein­stök mál, þrískipt­ingu valds, fjórða valdið, fimmta valdið, mál­frelsi, funda­frelsi og get­um safnað und­ir­skrift­um til stuðnings mál­um svo ein­hver dæmi séu nefnd.“

„Það er þjóðin sem set­ur vald­höf­um leik­regl­ur“

Björn segir að það ættu allir að hugsa sig tvisvar um ef stjórnvöld framfylgja ekki lýðræðislegum niðurstöðum. „Jafn­vel þó stjórn­völd séu ósam­mála niður­stöðunni. Sér­stak­lega ef stjórn­völd eru ósam­mála, ef satt skal segja. Því hvernig get­um við kallað okk­ur lýðveldi ef við erum með stjórn­völd sem fara ekki eft­ir lýðræðis­leg­um niður­stöðum?“ spyr Björn.

Þessar lýðræðislegu niðurstöður sem Björn er að vísa til varða þjóðaratvkæðisgreiðsluna sem fór fram árið 2012, en þá var kosið um að nota tillögur stjórnlagaráðs að frumvarpi til stjórnarskipunarlaga.

„Ég vil taka það sér­stak­lega fram að þó það sé lýðræðis­leg krafa til Alþing­is að vinna frum­varp að nýrri stjórn­ar­skrá sem er byggð á til­lög­um stjórn­lagaráðs þá segir það auðvitað ekk­ert um skyldu þing­manna til þess að greiða at­kvæði á einn eða ann­an hátt,“ segir Björn.

„Hver þingmaður er auðvitað bund­inn sann­fær­ingu sinni. Eng­inn þingmaður ætti hins veg­ar að geta hafnað því að leyfa þjóðinni að hafa loka­orðið um breyt­ing­ar á stjórn­ar­skrá, því það er jú þjóðin sem er stjórn­ar­skrár­gjaf­inn. Það er þjóðin sem set­ur vald­höf­um leik­regl­ur.“

„Við því segi ég: Bull“

Björn bendir á að átta ár eru liðin síðan meirihluti kjósenda sagði að það ætti að setja nýja stjórnarskrá. „Ég tel það vera merki um dug­leysi og gagns­leysi Alþing­is að geta ekki klárað mál sem hlaut stuðning auk­ins meiri­hluta kjós­enda í þjóðar­at­kvæðagreiðslu,“ segir hann.

„Þetta ger­ist þrátt fyr­ir að nú­ver­andi stjórn­ar­flokk­ar hafi haft það sem áherslu­mál í kosn­ing­um að fram­fylgja niður­stöðum þjóðar­at­kvæðagreiðslunn­ar. Fyr­ir kosn­ing­ar 2013 var það stefna Fram­sókn­ar­flokks­ins og fyr­ir kosn­ing­arn­ar 2017 var það stefna Vinstri grænna. Báðir flokk­arn­ir stungu því lof­orði ofan í skúffu eftir kosn­ing­ar.“

Í lokin segir Björn að hann hafi heyrt að niðurstöður kosninga hafi ekki skilað þingmeirihluta fyrir nýrri stjórnarskrá. „Við því segi ég: Bull. Því þó flokk­ar hafi svikið kosn­ingalof­orð um að klára stjórn­ar­skrár­málið þá voru þeir flokk­ar sem lofuðu því klár­lega í meiri­hluta á þingi á öll­um kjör­tíma­bil­um eft­ir þjóðaratkvæðagreiðsluna. Að minnsta kosti í orði.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Eyjan
Fyrir 5 dögum

Segir tvennt gott við feril Trumps – Fann fyrir líkamlegum létti í dag

Segir tvennt gott við feril Trumps – Fann fyrir líkamlegum létti í dag
Eyjan
Fyrir 5 dögum

Þung orð falla vegna brotthvarfs Ágústs Ólafs af lista – „Andstyggilegustu erjurnar í pólitík og mest mannskemmandi“

Þung orð falla vegna brotthvarfs Ágústs Ólafs af lista – „Andstyggilegustu erjurnar í pólitík og mest mannskemmandi“
Eyjan
Fyrir 1 viku

Sóttvarnaaðgerðir á hæpnum lagagrunni – Reimar telur sig ekki vera að fara á samkomu þegar hann fer til rakara

Sóttvarnaaðgerðir á hæpnum lagagrunni – Reimar telur sig ekki vera að fara á samkomu þegar hann fer til rakara
Eyjan
Fyrir 1 viku

Samgöngumál Íslands í höndum dýralækna

Samgöngumál Íslands í höndum dýralækna
Eyjan
Fyrir 1 viku

Helga Vala gáttuð á viðsnúningnum – „Ég skil ekki neitt“

Helga Vala gáttuð á viðsnúningnum – „Ég skil ekki neitt“
Eyjan
Fyrir 1 viku

Halldór hjólar í Björn Leví – „Af hverju lætur þessi maður alltaf svona?

Halldór hjólar í Björn Leví – „Af hverju lætur þessi maður alltaf svona?