„Svo fátækt fólk að það á ekki ofan í sig að éta. Ekki mat fyrir börnin. Hundruð í röð eftir matargjöfum. Almenningur er skynsamur og vill þetta ekki svona,“ segir Katrín sem vill meina að stjórnvöld hafi skapað þetta ástand.
„En reyna að klína því á Covid. Auðvitað er þetta ekki Covid að kenna, heldur hvernig ríkisstjórnin skiptir þjóðarkökunni. Það er ekkert tekið af þeim ríku. Þeir verða bara ríkari. Hrægammar sem græða svo á neyðinni.“
Katrín kemur með dæmi um það hvernig hrægammar græða á þessari neyð. „Þegar fólk mun til dæmis neyðast til að selja eignir vegna fátækar, þá verða ríku hrægammarnir tilbúnir til að kaupa á spottprís, eins og gerðist í hruninu. Og ekki á að hækka veiðigjöldin,“ segir hún.
Þá segir Katrín að margir segi að fólk geti kennt sjálfu sér um þar sem það hafi kosið þessa ríkisstjórn yfir sig. Hún segir það einfaldlega ekki vera rétt. „Stuðningur við Sjálfstæðisflokkinn minnkaði heilmikið og þeir fengu 5 færri þingmenn í síðustu kosningum 2017. Viðreisn tapaði 3 þingmönnum,“ segir hún og bætir við að úrslit kosninganna hafi kallað á ríkisstjórn frá miðju til vinstri.
„En Katrín Jakobsdóttir og Co sviku kjósendur sínar og skriðu upp í rúm hjá Sjálfstæðisflokknum. Fóru þannig á bak við sína kjósendur. Sviku gefin loforð. Fólk kaus alls ekki þessa ríkisstjórn. Almenningur var svikin.“