Föstudagur 28.febrúar 2020
Eyjan

Það fer ráðherrum ekki vel að vera hrokafullir segir Kolbrún

Kristján Kristjánsson
Fimmtudaginn 16. janúar 2020 08:00

Kolbrún beinir spjótum sínum að Svandísi Svavarsdóttur.

Ekki missa af Helstu tíðindum dagsins í pósthólfið þitt

Lesa nánar

„Það er gullvæg regla að fara vel með það sem manni er treyst fyrir. Þessa reglu ættu ráðamenn landsins að festa í hjarta sér þegar þeir taka við embættum sínum. Þannig á ráðherra að láta sér annt um málaflokkinn sem honum er trúað fyrir og gera sér grein fyrir ábyrgð sinni, en ekki umvefja sig hroka og tala niður til fólks mæti hann mótbyr í starfi.“

Svona hefst pistill eftir Kolbrúnu Bergþórsdóttur í Fréttablaðinu í dag en hann ber heitið Ráðherrahroki. Í pistlinum fjallar Kolbrún um Svandísi Svavarsdóttur, heilbrigðisráðherra, og viðbrögð hennar og ummæli um það ástand sem ríkir á bráðamóttöku Landspítalans. Kolbrún segir að Svandís hafi verið sjálfri sér verst á dögunum þegar hún fundaði með læknaráði. Þá var hún spurð hvaða tillögur hún sæi fyrir sér í tengslum við lausn þess neyðarástands sem ríkir á bráðamóttökunni.

„Hún sagði: „Það er töluverð áskorun fyrir ráðherra að standa með Landspítala þegar koma ályktanir á færibandi sem tala um að þessi stofnun sé nánast hættuleg.“ Svona eiga ráðherrar ekki að tala. Allavega ekki vilji þeir að þjóðin beri virðingu fyrir þeim. Svandís gefur með orðum sínum sterklega í skyn að nær ómögulegt sé fyrir hana að vera hliðholl spítalanum vegna þess að starfsmenn þar séu stöðugt að kvarta undan slæmu ástandi og aðbúnaði á vinnustaðnum. Hér er um að ræða vinnustað þar sem unnið er með sjúklinga og allt kapp lagt á að hlúa sem best að þeim.“

Segir Kolbrún og bætir við að þegar starfsfólk í heilbrigðisstétt notar orðið neyðarástand um ástandið á bráðamótötkunni þá missi Svandís sig í tuði um að alltaf sé verið að segja henni sömu hlutina og koma með sömu ályktanirnar.

„Hvernig væri að Svandís, í starfi sínu sem heilbrigðisráðherra, færi að leggja við hlustir í stað þess að fyllast mótþróa þegar hún heyrir fullyrðingar sem eru henni ekki að skapi? Hvaðan hefur heilbrigðisráðherra þær hugmyndir að heilbrigðisstarfsmenn eigi ekki að vekja athygli á slæmum aðbúnaði sem kemur niður á þjónustu við sjúklinga?“

Spyr Kolbrún í framhaldinu og bætir við að athugasemdir sem þessar séu auðvitað óþægilegar fyrir Svandísi sem heilbrigðisráðherra. Hún geti þó varla ætlast til að heilbrigðisstarfsmenn taki tillit til hvað henni henti að heyra og hvað ekki. Það sé skylda þeirra að vakta velferð sjúklinganna og standa með þeim.

Hún endar pistilinn síðan á þessum orðum:

„Það er engin ástæða til að gleðjast yfir frammistöðu Svandísar Svavarsdóttur á fundinum með læknaráði. Hún sýndi þeim einstaklingum sem hún fundaði með óvirðingu. Þeir voru komnir til að ná eyrum hennar en hún talaði til þeirra eins og væru þeir hópur af vandræðagemlingum sem hefðu það helsta markmið að gera henni erfitt fyrir í starfi sínu. Ýmsir hafa svo skilið orð hennar sem hótun, enda þarf svosem ekki mikið ímyndunarafl til þess. Enginn neyðir einstakling til að taka að sér ráðherraembætti, þvert á móti láta stjórnmálamenn sig dreyma um að komast í ráðherrastól. Ef sá draumur verður að veruleika sést á þeim langar leiðir að á ráðherrastóli vilja þeir vera og hvergi annars staðar. Of oft gerist það að ráðherrar fyllast hroka og fara að trúa um of á mátt sinn og megin. Það fer þeim engan veginn vel. Þetta eiga ráðherrar að muna, ekki bara Svandís Svarsdóttir.“

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Eyjan
Fyrir 18 klukkutímum

Vill koma í veg fyrir óeðlilegar hækkanir á leigu með nýju frumvarpi

Vill koma í veg fyrir óeðlilegar hækkanir á leigu með nýju frumvarpi
Eyjan
Fyrir 19 klukkutímum
Getur verið ?
Eyjan
Fyrir 19 klukkutímum

Dagur svarar Eflingu: „Vildi óska að sami kraftur væri settur í samningagerðina og ítrekað virðist fara í skeytasendingar í minn garð“

Dagur svarar Eflingu: „Vildi óska að sami kraftur væri settur í samningagerðina og ítrekað virðist fara í skeytasendingar í minn garð“
Eyjan
Fyrir 20 klukkutímum

„Einhver myndi kalla þetta kulnun í starfi, hér áður fyrr hét þetta víst leti“

„Einhver myndi kalla þetta kulnun í starfi, hér áður fyrr hét þetta víst leti“
Eyjan
Fyrir 2 dögum

Fjölfræðispilið góða og þekking á skáldum og fossum

Fjölfræðispilið góða og þekking á skáldum og fossum
Eyjan
Fyrir 2 dögum

Ákvörðun Þórdísar gerir allt vitlaust – „Er hún galin?“ – „Brá verulega við að frétta af þessu“ – „Hvaðan fær Þórdís Kolbrún ráðleggingar?“

Ákvörðun Þórdísar gerir allt vitlaust – „Er hún galin?“ – „Brá verulega við að frétta af þessu“ – „Hvaðan fær Þórdís Kolbrún ráðleggingar?“
Eyjan
Fyrir 2 dögum

Aðalsteinn Leifsson er nýr ríkissáttasemjari

Aðalsteinn Leifsson er nýr ríkissáttasemjari
Eyjan
Fyrir 2 dögum

Háskólalóð undirlögð af bílastæðum

Háskólalóð undirlögð af bílastæðum