Jóhann Þorvarðarsson pistlahöfundur segir í pistli sínum, sem birtist á Miðjunni, að Samtök Atvinnulífsins séu sífellt með tuð um lækkun skatta á fyrirtæki og minni ríkisútgjöld. Hann segir samtökin því vilja minni sameiginlega velferð.
Hann segir þó að þetta sé misjafnt eftir því hver talar og tekur dæmi. „Hagfræðingur Samtaka iðnaðarins skrifaði nýlega grein um hvernig efla má samkeppnishæfni Íslands og leggur fram áratuga gamlar hugmyndir. Skoðum eina. „Innviðir séu í góðu ástandi og uppfylli þarfir atvinnulífs og almennings“. Þetta kallar á aukin ríkisútgjöld á sama tíma og hin samtökin heimta minnkandi útgjöld.“
Jóhann segir að þáð sé ekki mögulegt að átta sig á stefnu sérhagsmunageirans hér á landi. „Guðrún Hafsteinsdóttir Kjörísdrottning gleymdi víst að tala við sjálfa sig um stefnuna,“ segir Jóhann. „Hún er nefnilega bæði formaður Samtaka iðnaðarins, sem vill meiri ríkisútgjöld, og svo situr hún einnig í stjórn Samtaka atvinnulífsins, sem heimtar minni ríkisútgjöld. Guðrún ku ekki vera í góðu talsambandi við sjálfan, horfir í spegil og rífst.“
Þá segir Jóhann að hann verður að minnast á aðra hugmynd hagræðingins sem kemur fram í umræddri grein en þar stendur: „Íslenskar vörur og fyrirtæki hafi jákvæða ímynd í samanburði við erlenda valkosti“. Jóhann botnar þá pistilinn og veltir því fyrir sér hvort hagræðingurinn ætti ekki að koma þessari hugmynd lengra. „Er ekki rétt að hagfræðingurinn sendi þessa hugmynd til Samherja og Namibíu og leiti álits.“