Samkeppniseftirlitið hefur heimilað tiltekið samstarf Skeljungs og ODR sem felur í sér að fyrirtækin hafi kost á því að aðstoða hvort annað tímabundið við dreifingu eldsneytis á stöðum þar sem erfiðleikar koma upp vegna fámennis, veikinda eða annarra takmarkana sem stafa af COVID-19. Þetta kemur fram í tilkynningu.
Undanþágan er tímabundin og bundin skilyrðum skilyrðum sem tryggja eiga að samstarfið verði afmarkað við þau brýnu verkefni sem leysa þarf vegna aðstæðna sem skapast kunna vegna COVID-19.
Ákvörðunin felur í sér undanþágu frá banni samkeppnislaga við samstarfi keppinauta. Ákvörðunin er aðgengileg hér.
ODR er í eigu N1 (Festi) og Olíuverzlunar Íslands (Haga), en Skeljungur rekur birgðahald og dreifingu sjálfstætt.
Undanþágan er veitt með eftirfarandi skilyrðum:
1. Umrætt samstarf og samskipti á milli fyrirtækjanna skal afmarkað við markmið samstarfsins, líkt og því er lýst í ákvörðun þessari. Þannig tekur 3 undanþágan t.d. ekki til samræmingar á verði, þjónustu eða öðru því sem sjálfstæði skal ríkja um á milli keppinauta.
2. Hvor aðili um sig tilnefni tengilið sem annist samskipti félaganna vegna samstarfsins.
3. Tengiliðir félaganna haldi skrá yfir samskipti félaganna sem falla undir undanþáguna og þau dreifingarverkefni sem hvort fyrirtækið vinnur fyrir hitt. Þessar upplýsingar skulu vera aðgengilegar Samkeppniseftirlitinu þegar óskað er eftir.
4. Gæta skal að því að viðkvæmar viðskiptaupplýsingar, um önnur atriði en undanþágan nær til, berist ekki á milli fyrirtækjanna.
Undanþágan gildir til 15. maí