Viðræðunefnd Starfsgreinasambandsins og Samninganefnd ríkisins náðu samkomulagi um útlínur á nýjum kjarasamningi á fundi í gær hjá ríkissáttasemjara, samkvæmt tilkynningu.
Viðræður hafa staðið undanfarna mánuði og hefur m.a. verið að störfum vinnuhópur aðila á opinberum markaði um breytingar á fyrirkomulagi vaktavinnu.
Endanlegar tillögur starfshóps liggja ekki fyrir. Þegar þær eru frágengnar mun samninganefnd SGS koma saman og taka samninginn til umræðu og afgreiðslu.
Ekki er hægt að gefa neinar upplýsingar um einstök atriði samkomulagsins fyrr en að lokum fundi samninganefndar, samkvæmt tilkynningunni.