Katrín Jakobsdóttir, forsætisráðherra, heimsótti fangelsið Hólmsheiði í gær og kynnti sér starfsemina og húsakynnin. Páll Winkel, forstjóri Fangelsismálastofnunar, Halldór Valur Pálsson, forstöðumaður fangelsisins, og Erla Kristín Árnadóttir, sviðsstjóri fullnustusviðs og staðgengill forstjóra, áttu fund með forsætisráðherra og fóru yfir þróun síðustu ára í fangelsismálum og tilurð og starfsemi Hólmsheiðarfangelsisins.

Fangelsið Hólmsheiði var formlega opnað í júní 2016 og var fyrsta fangelsið á Íslandi sem var byggt sem slíkt síðan Hegningarhúsið á Skólavörðustíg var reist árið 1873 og tók til starfa árið 1874.